Постановление Правительства КР от 28 января 2019 года № 18 «О размере сборов за государственную регистрацию (перерегистрацию) и регистрацию прекращения деятельности юридических лиц и их филиалов (представительств)»

КР Министрлер Кабинетинин 2022-жылдын 23-августундагы № 470 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2019-жылдын 28-январы № 18

Юридикалык жактарды, филиалдарды (өкүлчүлүктөрдү) мамлекеттик каттоо (кайра каттоо) жана ишинин токтотулгандыгын каттоо үчүн жыйымдардын өлчөмү жөнүндө

Салыктык эмес кирешелер жөнүндө Кыргыз Республикасынын кодексинин 45-беренесине жана "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10, 17-беренелерине ылайык Кыргыз Республикасынын Өкмөтү

ТОКТОМ КЫЛАТ:

1. Жыйымдын төмөнкүдөй ставкалары белгиленсин:

1) юридикалык жактарды, филиалдарды (өкүлчүлүктөрдү) мамлекеттик каттоо жана ишинин токтотулгандыгын каттоо үчүн - бир эсептик көрсөткүч өлчөмүндө;

2) юридикалык жактарды, филиалдарды (өкүлчүлүктөрдү) мамлекеттик кайра каттоо үчүн - эсептик көрсөткүчтүн ставкасынын 50 пайыздык өлчөмүндө.

2. Ушул токтом расмий жарыяланууга тийиш жана 2019-жылдын 1-январынан тартып күчүнө кирет.