Постановления Кабинета Министров Кыргызской Республики от 13 января 2023 года № 12 «О создании Центра обслуживания предпринимателей города Ош и Ошской области»
КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ
2023-жылдын 13-январы, № 12
Ош шаарынын жана Ош облусунун ишкерлерин тейлөө борборун түзүү жөнүндө
( Кыргыз Республикасынын Министрлер Кабинетинин 2024-жылдын 19-декабрындагы № 773 токтомунун редакциясына ылайык)
Кыргыз Республикасында ишкердик ишти колдоо жана өнүктүрүү, мамлекеттик кызматтарды көрсөтүү жол-жоболорун жөнөкөйлөтүү максатында, Кыргыз Республикасынын Министрлер Кабинетинин 2021-жылдын 25-декабрындагы № 352 токтому менен бекитилген 2026-жылга чейин Кыргыз Республикасын өнүктүрүүнүн улуттук программасын ишке ашыруу боюнча Кыргыз Республикасынын Министрлер Кабинетинин иш-чаралар планына, “Кыргыз Республикасынын Министрлер Кабинети жөнүндө” Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:
1. Кыргыз Республикасынын Экономика жана коммерция министрлиги Ош шаарынын жана Ош облусунун ишкерлерин тейлөө борборун (мындан ары – Борбор) ачуу боюнча чараларды көрсүн.
2. Кыргыз Республикасынын Финансы министрлиги Борборду түзүү жана иштетүү менен байланышкан уюштуруучулук-техникалык маселелерди чечсин.
3. (Кыргыз Республикасынын Министрлер Кабинетинин 2024-жылдын 19-декабрындагы № 773 токтомуна ылайык күчүн жоготту)
4. Борбордун ишине тартылган мамлекеттик органдар ушул токтомдон келип чыгуучу зарыл чараларды көрсүн.
5. Бул токтомдун аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.
6. Бул токтом расмий жарыяланган күндөн тартып он күн өткөндөн кийин күчүнө кирет.
Кыргыз Республикасынын Министрлер Кабинетинин Төрагасы |
А.У. Жапаров |