Постановление Кабинета Министров Кыргызской Республики от 29 майя 2023 года № 289 «О внесении изменений в некоторые решения Правительства Кыргызской Республики в сфере инвестиций»

2023-жылдын 29-майы № 289

Кыргыз Республикасынын Өкмөтүнүн инвестициялар

чөйрөсүндөгү айрым чечимдерине өзгөртүүлөрдү

киргизүү жөнүндө

(Кыргыз Республикасынын Министрлер Кабинетинин 2026-жылдын 15-октябрындагы № 700 токтомунун редакциясына ылайык)

Инвестицияларды тартуу үчүн шарттарды өркүндөтүү боюнча милдеттерди ишке ашыруу максатында, Кыргыз Республикасынын Президентинин 2022-жылдын 10-мартындагы № 75 "Инвестициялар чөйрөсүндөгү башкаруу системасын өркүндөтүү жана Кыргыз Республикасынын инвестициялык потенциалын жогорулатуу боюнча чаралар жөнүндө" Жарлыгына, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Кыргыз Республикасынын Өкмөтүнүн 2018-жылдын 26-октябрындагы № 503 "Инвестициялык долбоорлордун ишинин артыкчылыктуу түрлөрүн (экономика секторлорун) белгилөө жөнүндө" токтомуна төмөнкүдөй өзгөртүүлөр киргизилсин:

1) 1-пунктта:

- 10-пунктча төмөнкүдөй редакцияда баяндалсын:

"10) автомобиль транспорту, анын ичинен электробустар, автобустар;";

-төмөнкүдөй мазмундагы 14-пунктча менен толукталсын:

"14) курулуш.";

2) 2-пунктта:

- биринчи абзацтагы "Кыргыз Республикасынын Инвестициялар министрлиги" деген сөздөр "Кыргыз Республикасынын Президентине караштуу Инвестициялар боюнча улуттук агенттик” деген сөздөргө алмаштырылсын;

- үчүнчү абзацтагы "Кыргыз Республикасынын Экономика жана финансы министрлигине" деген сөздөр "Кыргыз Республикасынын Финансы министрлигине караштуу Мамлекеттик бажы кызматына" деген сөздөргө алмаштырылсын;

3) 3-пункттагы "Кыргыз Республикасынын Өкмөтүнүн Аппаратынын экономика жана инвестициялар бөлүмүнө" деген сөздөр "Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына" деген сөздөргө алмаштырылсын.

2. (Кыргыз Республикасынын Министрлер Кабинетинин 2026-жылдын 15-октябрындагы № 700 токтомуна ылайык күчүн жоготот)

3. Кыргыз Республикасынын Президентине караштуу Инвестициялар боюнча улуттук агенттик ушул токтомдон келип чыгуучу зарыл болгон чараларды көрсүн.

4. Бул токтом расмий жарыяланган күндөн тартып жети күн өткөндөн кийин күчүнө кирет.

"Эркин Тоо" газетасынын 2023-жылдын 6-июнундагы № 45 (3494) жарыяланды