ПостановлениеДействует

Постановление Центральной комиссии по выборам и проведению референдумов КР от 9 июля 2013 года № 120 «Об утверждении решения Московской территориальной избирательной комиссии Чуйской области»

Редакцияот 09.07.2013
Скачать .docx
Этот документ есть на русском языкеРусский
Герб Кыргызской Республики

КЫРГЫЗ РЕСПУБЛИКАСЫНЫН ШАЙЛОО ЖАНА РЕФЕРЕНДУМ ӨТКӨРҮҮ БОЮНЧА БОРБОРДУК КОМИССИЯСЫ

ТОКТОМ

2013-жылдын 9-июлу № 120

Чүй облусунун Москва аймактык шайлоо комиссиясынын чечимин бекитүү тууралуу

Москва аймактык шайлоо комиссиясынын 2013-жылдын 29-июнундагы № 14 чечими менен жергиликтүү кеңештердин депутаттарын шайлоо жөнүндө Кыргыз Республикасынын Мыйзамынын 51-беренесинин 1-бөлүгүндө каралган талаптарды аткарбагандыгына байланыштуу Ясыров Джумаза Лилизовичтин ордуна Арбуду Сульмане Сализович Чүй облусунун Москва районундагы Александровка айылдык кеңешинин № 1 шайлоо округу боюнча депутаты деп табылган.

"Кыргыз Республикасынын шайлоо жана референдум өткөрүү боюнча шайлоо комиссиялары жөнүндө" Кыргыз Республикасынын Мыйзамынын 7-беренесиндеги 1-бөлүктүн 2-пунктуна, "Жергиликтүү кеңештердин депутаттарын шайлоо жөнүндө" Кыргыз Республикасынын Мыйзамынын 51-беренесинин 1-бөлүгүнө, 52-беренесине ылайык, Кыргыз Республикасынын Шайлоо жана референдум өткөрүү боюнча борбордук комиссиясы

ТОКТОМ КЫЛАТ:

1. Арбуду Сульмане Сализович Чүй облусунун Москва районундагы Александровка айылдык кеңешинин № 1 шайлоо округу боюнча шайланган депутаты деп табуу жөнүндө Москва аймактык шайлоо комиссиясынын чечими бекитилсин.

2. Арбуду Сульмане Сализович Чүй облусунун Москва районундагы Александровка айылдык кеңешинин № 1 шайлоо округу боюнча шайланган депутаты деп табылсын.

3. Москва аймактык шайлоо комиссиясы Александровка айылдык кеңешинин шайланган депутаты Арбуду Сульмане Сализовичти каттасын жана ага белгиленген үлгүдөгү күбөлүктү жана төш белгини берсин.

4. Бул токтом "Эркин Тоо" газетасына жарыялансын жана Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына жайгаштырылсын.

5. Бул токтомдун көчүрмөсү Москва аймактык шайлоо комиссиясына жана Александровка айылдык кеңешине жөнөтүлсүн.

6. Бул токтомдун аткарылышына контролдук кылуу милдети Кыргыз Республикасынын Шайлоо жана референдум өткөрүү боюнча борбордук комиссиясынын аппаратынын уюштуруу бөлүмүнүн башчысы Б.Д.Максутбаевке жүктөлсүн.

 

Кыргыз Республикасынын шайлоо жана

референдум өткөрүү боюнча борбордук

комиссиясынын төрагасы

 

 

Т. Абдраимов