ПостановлениеДействует

Постановление Центральной комиссии по выборам и проведению референдумов КР от 4 марта 2014 года № 40 «О признании недействительными итогов голосования и результатов выборов главы Дараинского айыл окмоту Баткенского района Баткенской области Кыргызской Республики и о назначении даты выборов»

Редакцияот 04.03.2014
Скачать .docx
Этот документ есть на русском языкеРусский
Герб Кыргызской Республики

КЫРГЫЗ РЕСПУБЛИКАСЫНЫН ШАЙЛОО ЖАНА РЕФЕРЕНДУМ ӨТКӨРҮҮ БОЮНЧА БОРБОРДУК КОМИССИЯСЫ

ТОКТОМ

2014-жылдын 4-марты № 40

Баткен облусундагы Баткен районунун Дара айыл өкмөтүнүн башчысынын шайлоосунун натыйжаларын жана добуш берүүнүн жыйынтыктарын жараксыз деп табуу жана шайлоо датасын белгилөө жөнүндө

Баткен облусунун Баткен районуна караштуу Дара айыл өкмөтүнүн башчысынын кызмат ордуна талапкерлерди каттоодо Баткен аймактык шайлоо комиссиясы Кыргыз Республикасынын «Жергиликтүү өз алдынча башкаруу жөнүндө» Мыйзамынын 48-беренесине ылайык келбеген талапкерди каттаган жана ошол талапкер шайлоонун жыйынтыгында айыл өкмөтүнүн башчысы болуп шайлангандыгына байланыштуу, «Кыргыз Республикасынын шайлоо жана референдум өткөрүү боюнча шайлоо комиссиялары жөнүндө» Кыргыз Республикасынын Мыйзамынын 6-беренесине, 7-беренесиндеги 1-бөлүктүн 2, 24-пункттарына, 2-бөлүктүн 5-пунктуна, 18-беренесине, «Жергиликтүү өз алдынча башкаруу жөнүндө» Кыргыз Республикасынын Мыйзамынын 48, 49-беренелерине ылайык Кыргыз Республикасынын Шайлоо жана референдум өткөрүү боюнча борбордук комиссиясы

ТОКТОМ КЫЛАТ:

1. Баткен облусунун Баткен районундагы Дара айыл өкмөтүнүн башчысын шайлоонун натыйжалары жана добуш берүүнүн жыйынтыктары жараксыз деп табылсын жана шайлоонун натыйжалары жана добуш берүүнүн жыйынтыктары тууралуу 2014-жылдын 19-февралындагы протокол жокко чыгарылсын.

2. Баткен облусунун Баткен районундагы Дара айыл өкмөтүнүн башчысын шайлоо 2014-жылдын 20-мартына дайындалсын.

3. Баткен аймактык шайлоо комиссиясы шайлоону мыйзамда бекитилген тартипте өткөрүүнү уюштурсун.

4. Бул токтом «Эркин Тоо» газетасына жана Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына жарыялансын.

5. Бул токтомдун аткарылышын контролдоо Кыргыз Республикасынын Шайлоо жана референдум өткөрүү боюнча борбордук комиссиясынын аппарат жетекчиси Б. Т. Бейшенкуловго жүктөлсүн.

 

Төрага

Т. Абдраимов