РаспоряжениеДействует

Распоряжение Правительства КР от 3 августа 2011 года № 327-р (Об оздоровлении финансового состояния государственного предприятия «Кыргызжилкоммунсоюз» при Министерстве энергетики Кыргызской Республики)

Редакцияот 03.08.2011
Скачать .docx
Этот документ есть на русском языкеРусский
Герб Кыргызской Республики

КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2011-жылдын 3-августу № 327-б

Кыргыз Республикасынып Энергетика министрлигинин алдындагы «Кыргызтуракжайкоммунсоюз" мамлекеттик ишканасынын финансылык абалын жакшыртуу максатында:

1. Кыргыз Республикасынын Финансы министрлиги:

- Кыргыз Республикасынын Энергетика министрлигинин алдындагы "Кыргызтуракжайкоммунсоюз" мамлекеттик ишканасына 200,0 (эки жүз) миллион сом өлчөмүндөгү бюджеттик ссуда берсин;

- белгиленген тартипте аталган мамлекеттик ишкана менен бюджеттик ссуданы кайтарып берүү шарттары  боюнча Карыздык милдеттенме тузсүн;

- бюджеттик ссуда берүүнүн төмөнкү шарттарын аныктасын:

бюджеттик ссуданы тындыруу мөөнетүн 2012-жылдын 1-апрелинен тартып 2012-жылдын 1-июлуна чейин, ай сайын бирдей үлүштөр менен (50,0 млн. сом) белгилөөнү:

ссуда проценсиз, күрөөлүк камсыздоону тариздебестен;

төлөмдүн мөөнөтү өтүп кеткентиги үчүн мөөнөтү өтүп кеткен карыздын суммасынан жылдык 6 процент өлчөмүндө айыптык санкция белгилөөнү;

- белгиленген тартипте «2011-жылга Кыргыз Республикасынын республикалык бюджети жана 2012-2013-жылдарга болжолу жөнүндө" Кыргыз Республикасынын Мыйзамына тиешелүү өзгөртүү киргизсин.

2. Кыргыз Республикасынын Энергетика министрлигинин алдындагы «Кыргызтуракжайкоммунсоюз» мамлекеттик ишканасы:

- бюджеттен алынган 200,0 (эки жүз) миллион сом өлчөмүндөгү каражаттары максаттуу багыты боюнча гана электр энергиясы, мазут жана жаратылыш газы үчүн дебитордук карызы тындырууга жумшасын;

- жогоруда аталган бюджеттик ссуданы кайтарып берүүнү ушул буйруктун 1-пунктуна так ылайыкта камсыз кылсын.

3. Буйл буйруктун аткарылышын контролдоо Кыргыз Республикасынын Өкмүнүн Аппаратынын отун-энергетика комплекси жана миниралдык ресурстар бөлүмүнө жүктөлсүн.

 

            Премьер-министр

А.Атамбаев