Распоряжение Президента КР от 13 апреля 2017 года РП N 100 (О разработке плана праздничных мероприятий, посвященных 72-й годовщине Дня Победы в Великой Отечественной войне 1941-1945 годов)

КЫРГЫЗ РЕСПУБЛИКАСЫНЫН ПРЕЗИДЕНТИ

БУЙРУК

2017-жылдын 13-апрели ПБ № 100

1941-1945-жылдардагы Улуу Ата Мекендик согуштагы Жеңиш күнүнүн 72 жылдыгын майрамдоого арналган майрамдык иш-чараларды өткөрүү максатында, кыргызстандыктардын согуш жылдарында фронтто жана оорукта көрсөткөн эрдигине, кайратына жана каармандыгына таазим кылып:

1. Кыргыз Республикасынын Өкмөтү:

- 1941-1945-жылдардагы Улуу Ата Мекендик согуштагы Жеңиш күнүнүн 72 жылдыгына арналган майрамдык иш-чаралардын планын иштеп чыксын жана аларды бардык жерде жогорку деңгээлде өткөрүүнү камсыз кылсын;

- иш-чараларды финансылык жана уюштуруучулук камсыз кылуу маселелерин чечсин.

2. Бул буйруктун аткарылышын контролдоо Кыргыз Республикасынын Президентинин Аппаратынын Жетекчисине жүктөлсүн.