РАСПОРЯЖЕНИЕ КАБИНЕТА МИНИСТРОВ КР от 6 сентября 2024 года № 536-р (Об утверждении Положения о проведении литературного конкурса «40 районов - 40 книг»)

Чыгармачылык ишке дем берүү жана Кыргыз Республикасынын интеллектуалдык потенциалын чыңдоо учун шарттарды түзүү максатында, Кыргыз Республикасынын Министрлер Кабинетинин 2022-жылдын 20-майындагы № 265 "2022-2026-жылдары Кыргыз Республикасында интеллектуалдык менчикти жана инновацияларды өнүктүрүүнүн мамлекеттик программасын бекитүү жөнүндө" токтому менен бекитилген 2022-2026-жылдары Кыргыз Республикасында интеллектуалдык менчикти жана инновацияларды өнүктүрүүнүн мамлекеттик программасына, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык:

1. "40 район - 40 китеп" адабий конкурсун өткөрүү жөнүндө жобо тиркемеге ылайык бекитилсин.

2. Кыргыз Республикасынын Министрлер Кабинетине караштуу Интеллектуалдык менчик жана инновациялар мамлекеттик агенттиги (Кыргызпатент) белгиленген тартипте атайын эсептердин каражаттарынын эсебинен жыл сайын атайын каражаттар боюнча чыгымдардын сметасында конкурсту ишке ашырууга жана авторлордун 6га чейин чыгармаларын басып чыгарууга (тандалып алынган бир чыгармага 200 нускага чейинки тираж) 2000000 (эки миллион) сомго чейин карасын.

3. Тартылган министрликтер, административдик ведомстволор, жергиликтүү мамлекеттик администрациялар жогоруда аталган Жобону жетекчиликке алсын.

4. Бул тескеменин аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.