Постановление Правительства КР от 27 февраля 2017 года № 123 «О мерах по усилению потенциала Кыргызской Республики в сфере изучения полезных ископаемых»

КЫРГЫЗ РЕСПУБЛИКАСЫНЫН ӨКМӨТҮНҮН ТОКТОМУ

2017-жылдын 27-февралы № 123

Пайдалуу кендерди изилдөө чөйрөсүндө Кыргыз Республикасынын потенциалын күчөтүү боюнча чаралар жөнүндө

Жабдууларды модернизациялоого инвестицияларды тартуу жолу менен Кыргыз Республикасынын Өнөр жай, энергетика жана жер казынасын пайдалануу мамлекеттик комитетинин алдындагы "Борбордук лаборатория" мамлекеттик ишканасын өнүктүрүү максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү токтом кылат:

1. Кыргыз Республикасынын Жогорку Кеңешинен төмөнкүлөр суралсын:

- Кыргыз Республикасынын Жогорку Кеңешинин 2015-жылдын 29-июнундагы № 5408-V "2015-2017-жылдарга Кыргыз Республикасындагы мамлекеттик менчикти менчиктештирүү программасын бекитүү жөнүндө" токтомуна төмөнкүдөй толуктоолорду киргизүү:

жогоруда аталган токтом менен бекитилген 2015-2017-жылдарга карата Кыргыз Республикасында мамлекеттик менчикти менчиктештирүү-программасында:

төмөнкүдөй мазмундага 13-2-пункт менен толукталсын:

"13-2. Кийин уставдык капиталда акцияларынын мамлекеттик пакетин (үлүшүн) менчиктештирүү менен чарбалык коом болуп кайрадан түзүлүүгө тийиштүү мамлекеттик ишканалардын тизмеги ушул Программанын 5-тиркемесине ылайык аныкталат.";

ушул токтомдун тиркемесине ылайык редакцияда 5-тиркеме менен толукталсын;

- Кыргыз Республикасынын Жогорку Кеңешинин жогоруда аталган токтомуна толуктоолорду киргизүү жөнүндө маселени кезексиз тартипте кароо.

2. Кыргыз Республикасынын Өнөр жай, энергетика жана жер казынасын пайдалануу мамлекеттик комитетинин төрагасы жана Кыргыз Республикасынын Өкмөтүнө караштуу Мамлекеттик мүлктү башкаруу боюнча фонддун төрагасы Кыргыз Республикасынын Жогорку Кеңешинин 2015-жылдын 29-июнундагы № 5408-V "2015-2017-жылдарга Кыргыз Республикасындагы мамлекеттик менчикти менчиктештирүү программасын бекитүү жөнүндө" токтомуна толуктоолорду киргизүү жөнүндө маселе Кыргыз Республикасынын Жогорку Кеңешинде каралганда Кыргыз Республикасынын Өкмөтүнүн расмий өкүлдөрү болуп дайындалышсын.

3. Ушул токтом расмий жарыяланган күндөн жети күн өткөндөн кийин күчүнө кирет.

"Эркин Тоо" газетасынын 2017-жылдын 10-мартында N 35 жарыяланды

Тиркеме

Кийин уставдык капиталда акцияларынын мамлекеттик пакетин (үлүшүн) менчиктештирүү менен чарбалык коом болуп кайрадан түзүлүүгө тийиштүү мамлекеттик ишканалардын ТИЗМЕГИ