Распоряжение Кабинета Министров КР от 30 июля 2026 года № 584-т (Об одобрении проектов дополнительного соглашения и грантового соглашения между Кыргызской Республикой и Европейским банком реконструкции и развития по проекту «Реабилитация систем водоснабжения и водоотведения в городе Нарын (фаза 2)» к кредитному соглашению от 30 апреля 2020 года)

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТЕСКЕМЕСИ

2026-жылдын 30-июлу № 584-т

«Кыргыз Республикасынын эл аралык келишимдери жөнүндө» Кыргыз Республикасынын Мыйзамынын 8-беренесине, «Кыргыз Республикасынын Министрлер Кабинети жөнүндө» Кыргыз Республикасынын конституциялык Мыйзамынын 13, 17-беренелерине ылайык:

1. Төмөнкү мамлекеттик жана расмий тилдерде (расмий эмес котормо) тиркелгендер жактырылсын:

– 2020-жылдын 30-апрелиндеги Кыргыз Республикасы менен Европа реконструкциялоо жана өнүктүрүү банкынын ортосундагы «Нарын шаарында суу менен камсыздоо жана саркынды суу тутумдарын реабилитациялоо (2-фаза)» долбоору боюнча кредиттик макулдашууга кошумча макулдашуунун долбоору;

– Кыргыз Республикасы менен Европа реконструкциялоо жана өнүктүрүү банкынын ортосундагы «Нарын шаарында суу менен камсыздоо жана саркынды суу тутумдарын реабилитациялоо (2-фаза)» долбоору боюнча Европа реконструкциялоо жана өнүктүрүү банкынын Акционерлеринин атайын фондунан берилүүчү инвестициялык грант боюнча гранттык макулдашуунун долбоору.

2. Кыргыз Республикасынын финансы министрине ушул тескеменин 1-пунктунда көрсөтүлгөн макулдашууларга принциптүү эмес мүнөздөгү өзгөртүүлөрдү жана толуктоолорду киргизүү укугу менен кол коюуга ыйгарым укук берилсин.