Постановление Кабинета Министров КР от 10 августа 2026 года № 533 «О внесении изменения в постановление Кабинета Министров Кыргызской Республики «О вопросах идентификации животных и продуктов животного происхождения» от 3 марта 2025 года № 105»

Кыргыз Республикасынын Министрлер Кабинетинин 2025-жылдын 3-мартындагы № 105 «Жаныбарларды жана жаныбарлардан алынган азыктарды идентификациялоо маселелери жөнүндө» токтомуна өзгөртүү киргизүү тууралуу

Жаныбарларды идентификациялоонун улуттук системасын Евразия экономикалык бирлигинин актыларына ылайык келтирүү максатында, «Кыргыз Республикасынын Министрлер Кабинети жөнүндө» Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Кыргыз Республикасынын Министрлер Кабинетинин 2025-жылдын 3-мартындагы № 105 «Жаныбарларды жана жаныбарлардан алынган азыктарды идентификациялоо маселелери жөнүндө» токтомуна төмөнкүдөй өзгөртүү киргизилсин:

жогоруда аталган токтом менен бекитилген Жаныбарларды идентификациялоонун эрежелеринде:

– 32-пункт төмөнкүдөй мазмундагы абзац менен толукталсын:

«Кыргыз Республикасынын аймагында жаныбарларды идентификациялоо жүргүзүүдө колдонулуучу жаныбарларды идентификациялоо каражаттарын классификациялоо Евразия экономикалык комиссиясынын Коллегиясынын 2019-жылдын 17-сентябрындагы № 157 чечимине ылайык жүзөгө ашырылат.».

2. Бул токтом расмий жарыяланган күндөн тартып жети күн өткөндөн кийин күчүнө кирет.

«Эркин-Тоо» мамлекеттик расмий гезитинин 2026-жылдын 11-августундагы № 60 (3820) саны менен жарыяланды