Распоряжение Кабинета Министров КР от 31 июля 2026 года № 586-т (Об одобрении проекта Инвестиционного соглашения между Кабинетом Министров Кыргызской Республики и обществом с ограниченной ответственностью «Управляющая компания «РИНЭК»)

Улуттук экономикага чет өлкөлүк түз инвестицияларды тартуу максатында, «Кыргыз Республикасындагы инвестициялар жөнүндө» Кыргыз Республикасынын Мыйзамынын 14, 31-беренелерине, «Кыргыз Республикасынын Министрлер Кабинети жөнүндө» Кыргыз Республикасынын конституциялык Мыйзамынын 13, 17-беренелерине ылайык:

1. Кыргыз Республикасынын Министрлер Кабинети менен «РИНЭК» башкаруучу компаниясы» жоопкерчилиги чектелген коомунун ортосундагы Кыргыз Республикасынын Ысык-Көл облусунда «БУЛАН+» апарт-отелин жана «Montbulak Resort» беш жылдыздуу курорттук-көңүл ачуу комплексин куруу боюнча инвестициялык долбоорлорду ишке ашыруу жөнүндө инвестициялык макулдашуунун расмий тилде тиркелген долбоору жактырылсын.

2. Кыргыз Республикасынын Президентинин Кыргыз Республикасынын Ысык-Көл облусундагы ыйгарым укуктуу өкүлүнө ушул тескеменин 1-пунктунда көрсөтүлгөн Инвестициялык макулдашууга принциптүү эмес мүнөздөгү өзгөртүүлөрдү жана толуктоолорду киргизүү укугу менен Кыргыз Республикасынын Министрлер Кабинетинин атынан кол коюуга ыйгарым укук берилсин.

3. Кыргыз Республикасынын Министрлер Кабинетинин 2026-жылдын 19-февралындагы № 94-т тескемеси күчүн жоготту деп таанылсын.