Постановление Бишкекского городского кенеша от 26 апреля 2012 года №312 «О тарифах на перевозку пассажиров и багажа общественным пассажирским транспортом в городе Бишкек»

БИШКЕК ШААРДЫК КЕӉЕШИ

ТОКТОМ

2012-жылдын 26-апрели №312

Бишкек шаарында коомдук жүргүнчүлөр транспорту менен жүргүнчүлөрдү жана жүк ташууга тарифтер жөнүндө

(Бишкек шаардык кеңешинин 2021-жылдын 28-сентябрындагы № 8 токтомуна редакциясына ылайык)

Жүргүнчү транспортунун туруктуу ишин камсыздоо, борбор шаарыбыздын тургундарын жана конокторун үзгүлтүксүз ташуу, жүргүнчүлөр транспорт муниципалдык ишканаларынын экономикалык абалын жакшыртуу, аларга кызмат көрсөтүүдө бааны жөнгө салуу үчүн, ошондой эле Бишкек шаарынын жарандарынын кээ бир категорияларын жүргүнчүлөр транспортунда акысыз ташууну камсыз кылуу максатында, Бишкек шаардык кеңеш

ТОКТОМ КЫЛАТ:

1. 2021-жылдын 1-ноябрынан тартып Бишкек шаарынын коомдук шаардык жүргүнчү транспорту менен (троллейбустарда, автобустарда, маршруттук таксилерде) жүргүнчүлөрдү жана жүктөрдү ташууга тарифтер тиркемеге ылайык бекитилсин.

(Бишкек шаардык кеңешинин 2021-жылдын 28-сентябрындагы № 8 токтомуна редакциясына ылайык)

2. Бишкек шаардык кеңештин төмөнкү токтомдору күчүн жоготту деп эсептелсин:

а) 2011-жылдын 17-майындагы № 225 "Бишкек шаарында коомдук жүргүнчү транспорту менен жүргүнчүлөрдү жана жүк ташуу тарифтери жөнүндө";

б) Бишкек шаардык кеңештин 2011-жылдын 13-октябрындагы № 265 "Бишкек шаарында коомдук жүргүнчү транспорту менен жүргүнчүлөрдү жана жүк ташуу тарифтери жөнүндө токтомуна өзгөртүүлөрдү жана толуктоолорду киргизүү жөнүндө".

3. Бишкек шаарынын мэриясы:

-Бишкек шаарында коомдук жүргүнчү транспорту менен жүргүнчүлөрдү жана жүк ташуу тарифтерди өзгөртүү маселесин кароодо эксплуатациялык чыгымдардын жана инфляциянын өзгөрүүсүн эске алсын;

-Бишкек шаардык кеңештин сессиясынын кароосуна Бишкек шаарынын коомдук жүргүнчүлөр транспортун жана жол инфраструктурасын өнүктүрүү Концепциясын киргизсин.

4. Бул токтом белгиленген тартипте каттоодон өткөрүлсүн жана Кыргыз Республикасынын ченемдик-укуктук актыларынын мамлекеттик реестрине киргизүү үчүн Кыргыз Республикасынын Юстиция министрлигине жөнөтүлсүн.

5. Бул токтом расмий жарыяланган күндөн тартып күчүнө кирет.

"Эркин Тоо" газетасында 2012-жылдын 1-майында № 39 жарыяланды

6. Бул токтомдун аткарылышын контролдоо Бишкек шаардык кеңештин турак жай коммуналдык чарба, отун-энергетика комплекси транспорт, коммуникация жана экология боюнча туруктуу комиссиясына (Салымбеков Ж.М.) жана Бишкек шаарынын вице-мэри Т.М.Имашовго жүктөлсүн.

(Бишкек шаардык кеңешинин 2021-жылдын 28-сентябрындагы № 8 токтомуна редакциясына ылайык)

2021-жылдын 1-ноябрынан тартып Бишкек шаарында коомдук жүргүнчүлөр транспорту (менчиктин түрүнө карабастан 3000 куб смдан жогору көлөмү менен электр моторлуу, газ моторлуу жана дизелдүү кыймылдаткычтары менен бардык типтеги троллейбус, автобус, менчиктин түрүнө карабастан 3000 куб смдан ашпаган кыймылдаткыч көлөмү менен өзгөчө кичине класстагы автобус) менен жүргүнчүлөрдү жана жол жүгүн ташууга тарифтер

(Бишкек шаардык кеңешинин 2021-жылдын 28-сентябрындагы № 8 токтомуна редакциясына ылайык)

1. Бир жүргүнчүнүн жол кире наркы:

менчиктин түрүнө карабастан 3000 куб. смдан жогору көлөмү менен электр моторлуу, газ моторлуу жана дизелдүү кыймылдаткычтары менен бардык типтеги троллейбуста, автобуста - 11 сом;

менчиктин түрүнө карабастан 3000 куб. смдан ашпаган кыймылдаткыч көлөмү менен өзгөчө кичине класстагы автобуста - 15 сом.

2. Автобустарда, троллейбустарда 40 килограммдан ашык салмактагы же 50х60х100 см көлөмдөгү жол жүгүн ташууга акы - 11 сом.

3. 1 (бир) айлык мөөнөткө транспорттук картанын (электрондук жол жүрүү билетинин) наркы:

мектеп окуучулары үчүн - 240 сом;

троллейбустарда, автобустарда жол жүрүү үчүн - 680 сом.

Транспорттук картаны даярдоого чыгымдар анын өздүк наркына киргизилет.

4. Муниципалдык коомдук жүргүнчүлөр транспортунда акысыз жол жүрүү укугу шаардык каттоосу бар, Бишкек шаарынын тургундарынын төмөнкү категорияларына белгиленсин:

- жаш курагы боюнча пенсионерлерге;

- жалпы оорулардын жана эмгектен жабыр тарткандардын I, II, III топтогу ден соолугунун мүмкүнчүлүгү чектелген жактарга;

- бала кезинен ден соолугунун мүмкүнчүлүгү чектелген жактарга;

- 7 жашка чейинки балдарга;

- кызматтык милдеттерин аткарып жүргөн учурларда Кыргыз Республикасынын Санариптик өнүктүрүү министрлигине караштуу “Кыргыз почтасы” мамлекеттик ишканасынын почточуларына.

Муниципалдык коомдук жүргүнчүлөр транспортунда акысыз жол жүрүү үчүн акысыз же жеңилдетилген жол жүрүүгө укугу бар ээсинин фамилиясын, атын жана атасынын атын көрсөтүү менен, сүрөтү менен персонификациялаштырылган транспорттук карта негиз болуп саналат.

1