ПостановлениеДействует

Постановление Правительства КР от 29 декабря 2009 года №832 «О внесении изменений и дополнения в постановление Правительства Кыргызской Республики от 26 июня 2004 года № 471»Об утверждении Устава Национального историко-археологического музейного комплекса «Сулайман-Тоо»

Редакцияот 29.12.2009
Скачать .docx
Этот документ есть на русском языкеРусский
Герб Кыргызской Республики

ПРАВИТЕЛЬСТВО КЫРГЫЗСКОЙ РЕСПУБЛИКИ

ПОСТАНОВЛЕНИЕ

 

2009-жылдын 29-декабры №832

Кыргыз Республикасынын Өкмөтүнүн 2004-жылдын 26-июнундагы N 471 "Сулайман-Тоо" улуттук тарыхый-археологиялык музей комплексинин уставын бекитүү жөнүндө" токтомуна өзгөртүүлөрдү жана толуктоо киргизүү тууралуу

"Кыргыз Республикасынын Өкмөтүнүн түзүмү жөнүндө" Кыргыз Республикасынын Мыйзамынын жоболорун ишке ашыруу боюнча уюштуруу иш-чаралары тууралуу" Кыргыз Республикасынын Президентинин Жарлыгын аткаруу үчүн, Кыргыз Республикасынын Өкмөтүнүн чечимдерин Кыргыз Республикасынын мыйзамдарына ылайык келтирүү, "Сулайман-Тоо" улуттук тарыхый-археологиялык музей комплексин сактоону жана натыйжалуу пайдаланууну андан ары камсыз кылуу максатында Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнүн 2004-жылдын 26-июнундагы №471 "Сулайман-Тоо" улуттук тарыхый-археологиялык музей комплексинин уставын бекитүү жөнүндө" токтому менен бекитилген "Сулайман-Тоо" улуттук тарыхый-археологиялык музей комплексинин уставына төмөнкүдөй өзгөртүүлөр жана толуктоо киргизилсин:

- бардык текст боюнча "Кыргыз Республикасынын Өкмөтүнө караштуу Маданиятты өнүктүрүү боюнча мамлекеттик комиссия" деген сөздөр тиешелүү жөндөмөдөгү "Кыргыз Республикасынын Өкмөтүнө караштуу Маданият мамлекеттик агенттиги" деген сөздөр менен алмаштырылсын;

- 4.1-пункттагы "жана Ош облустук маданият башкармасы" деген сөздөр алып салынсын;

- 4.2-пункт төмөнкүдөй редакцияда берилсин:

"4.2. Башкы директорду Кыргыз Республикасынын Өкмөтүнө караштуу Маданият мамлекеттик агенттигинин директорунун сунушу боюнча Кыргыз Республикасынын Премьер-министри кызматка дайындайт жана кызматтан бошотот.";

- 4.5-пункттун төртүнчү абзацы "түзүмүн" деген сөздөн кийин "жана штаттык расписаниесин эмгек акы төлөө фондусунун чегинде" деген сөздөр менен толукталсын;

6.1-пункттун үчүнчү абзацындагы "облустук маданият башкармасынын жана" деген сөздөр алып салынсын.

2. Кыргыз Республикасынын Өкмөтүнө караштуу Маданият мамлекеттик агенттиги өзүнүн чечимдерин ушул токтомго ылайык келтирсин.

 

Премьер-министри

Д.Үсөнов