Постановление Правительства КР от 10 августа 2010 года №155 «О внесении изменений в постановление Временного Правительства Кыргызской Республики от 19 июня 2010 года № 93 «О специальном счете для оказания материальной помощи гражданам Кыргызской Республики, пострадавшим в результате массовых беспорядков, произошедших в Ошской, Джалал-Абадской областях и городе Ош»»

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2010-жылдын 10-августундагы № 155

Кыргыз Республикасынын Убактылуу Өкмөтүнүн 2010-жылдын 19-июнундагы № 93 «Ош, Жалал-Абад облустарында жана Ош шаарында болуп өткөн жалпы башаламандыктын кесепетинен жабыр тарткан Кыргыз Республикасынын жарандарына материалдык жардам көрсөтүү үчүн атайын эсеп жөнүндө» токтомуна өзгөртүүлөрдү киргизүү тууралуу

Кыргыз Республикасынын Президентинин 2010-жылдын 20-июлундагы № 50 «Ош шаарындагы, Ош жана Жалал-Абад облустарындагы кырдаалды жайгаруу боюнча ведомстволор аралык комиссия түзүү жөнүндө» Жарлыгын ишке ашыруу максатында Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Убактылуу Өкмөтүнүн 2010-жылдын 19-июнундагы № 93 «Ош, Жалал-Абад облустарында жана Ош шаарында болуп өткөн жалпы башаламандыктын кесепетинен жабыр тарткан Кыргыз Республикасынын жарандарына материалдык жардам көрсөтүү үчүн атайын эсеп жөнүндө» токтомуна төмөнкүдөй өзгөртүүлөр киргизилсин:

- 2-пункт төмөнкүдөй редакцияда баяндалсын:

«2. Атайын эсепти башкаруу Кыргыз Республикасынын Президентинин 2010-жылдын 20-июлундагы № 50 «Ош шаарындагы, Ош жана Жалал-Абад облустарындагы кырдаалды жайгаруу боюнча ведомстволор аралык комиссия түзүү жөнүндө» Жарлыгы менен түзүлгөн Ош шаарындагы, Ош жана Жалал-Абад облустарындагы кырдаалды жайгаруу боюнча ведомстволор аралык комиссияга жүктөлсүн;

- 3-пункттагы «Кыргыз Республикасынын Убактылуу Өкмөтүнүн социалдык саясат боюнча координатору Э.С.Ибраимовага» деген сөздөр «Кыргыз Республикасынын социалдык маселелерди тейлеген вице-премьер-министрине» деген сөздөр менен алмаштырылсын;

- жогоруда аталган токтом менен бекитилген Ош, Жалал-Абад облустарында жана Ош шаарында болуп өткөн жалпы башаламандыктын кесепетинен жабыр тарткан Кыргыз Республикасынын жарандарына материалдык жардам көрсөтүү үчүн атайын эсеп жөнүндө жободо:

бүткүл текст боюнча түрдүү жөндөмөдөгү «республикалык штаб» деген сөздөр тиешелүү жөндөмөдө «ведомстволор аралык комиссия» деген сөздөр менен алмаштырылсын;

2-пункт төмөнкүдөй редакцияда баяндалсын:

«2. Кыргыз Республикасынын Президентинин 2010-жылдын 20-июлундагы № 50 «Ош шаарындагы, Ош жана Жалал-Абад облустарындагы кырдаалды жайгаруу боюнча ведомстволор аралык комиссия түзүү жөнүндө» Жарлыгы менен түзүлгөн Ош шаарындагы, Ош жана Жалал-Абад облустарындагы кырдаалды жайгаруу боюнча ведомстволор аралык комиссия (мындан ары - ведомстволор аралык комиссия) атайын эсептин каражаттарын тескөөчү болуп эсептелет.»;

3-пункттагы «Убактылуу» деген сөз алып салынсын;

6-пункттагы «штабдын» деген сөз «ведомстволор аралык комиссиянын» деген сөздөр менен алмаштырылсын;

8-пункттагы «эки жолудан» деген сөздөр «бир жолудан» деген сөздөр менен алмаштырылсын.

2. Кыргыз Республикасынын Убактылуу Өкмөтүнүн 2010-жылдын 12-июнундагы № 447 тескемеси күчүн жоготту деп табылсын.