Постановление Правительства КР от 15 января 2013 года № 19 «О ликвидации Государственной дирекции по восстановлению и развитию городов Ош и Джалал-Абад»

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2013-жылдын 15-январы № 19

Ош жана Жалал-Абад шаарларын калыбына келтирүү жана өнүктүрүү боюнча мамлекеттик дирекцияны жоюу жөнүндө

(КР Ѳкмѳтγнγн 2015-жылдын 29-декабры № 892 токтомдун редакциясына ылайык)

Кыргыз Республикасынын мамлекеттик башкаруу системасын оптималдаштыруу боюнча комиссиянын 2012-жылдын 27-декабрындагы сунуштарына, ошондой эле Кыргыз Республикасынын Граждандык кодексинин талаптарына ылайык Ош жана Жалал-Абад шаарларын калыбына келтирүү жана өнүктүрүү боюнча мамлекеттик дирекциянын мындан ары иштөөсүнүн максатка ылайыксыздыгына байланыштуу Кыргыз Республикасынын Өкмөтү

ТОКТОМ КЫЛАТ:

1. Ош жана Жалал-Абад шаарларын калыбына келтирүү жана өнүктүрүү боюнча мамлекеттик дирекция функцияларын Кыргыз Республикасынын Өкмөтүнө караштуу Курулуш жана региондук өнүктүрүү боюнча мамлекеттик агенттикке өткөрүп берүү менен жоюлсун.

2. Ош жана Жалал-Абад шаарларын калыбына келтирүү жана өнүктүрүү боюнча мамлекеттик дирекцияны жоюу боюнча комиссия (мындан ары - жоюу комиссиясы) тиркемеге ылайык курамда түзүлсүн.

3. Жоюу комиссиясы эки айлык мөөнөттө Кыргыз Республикасынын Граждандык кодексинин 96-99-статьяларына ылайык Ош жана Жалал-Абад шаарларын калыбына келтирүү жана өнүктүрүү боюнча мамлекеттик дирекцияны жоюу боюнча иш-чараларды жүргүзсүн.

4. Кыргыз Республикасынын Финансы министрлиги:

- Ош жана Жалал-Абад шаарларын калыбына келтирүү жана өнүктүрүү боюнча мамлекеттик дирекцияны жоюуга байланыштуу чыгымдарды жабуу үчүн зарыл каражаттарды издеп тапсын;

- бир айлык мөөнөттө Кыргыз Республикасынын Өкмөтүнө караштуу Курулуш жана региондук өнүктүрүү боюнча мамлекеттик агенттик менен бирдикте ушул токтомдон келип чыгуучу сунуштарды Кыргыз Республикасынын Өкмөтүнүн кароосуна киргизсин;

- (Тѳртγнчγ абзац КР Ѳкмѳтγнγн 2015-жылдын 29-декабры № 892 токтомуна ылайык кγчγн жоготту)

(КР Ѳкмѳтγнγн 2015-жылдын 29-декабры № 892 токтомдун редакциясына ылайык)

5. (КР Ѳкмѳтγнγн 2015-жылдын 29-декабры № 892 токтомуна ылайык кγчγн жоготту)

6. Төмөнкүлөр күчүн жоготту деп табылсын:

- Кыргыз Республикасынын Убактылуу Өкмөтүнүн 2010-жылдын 26-июнундагы № 104 "Ош жана Жалал-Абад шаарларын калыбына келтирүү жана өнүктүрүү боюнча мамлекеттик дирекция жөнүндө" токтому;

- "Кыргыз Республикасынын Убактылуу Өкмөтүнүн 2010-жылдын 26-июнундагы № 104 "Ош жана Жалал-Абад шаарларын калыбына келтирүү жана өнүктүрүү боюнча мамлекеттик дирекция жөнүндө" токтомуна өзгөртүүлөрдү жана толуктоолорду киргизүү тууралуу" Кыргыз Республикасынын Өкмөтүнүн 2010-жылдын 18-августундагы № 166 токтому;

- "Кыргыз Республикасынын Убактылуу Өкмөтүнүн 2010-жылдын 26-июнундагы № 104 "Ош жана Жалал-Абад шаарларын калыбына келтирүү жана өнүктүрүү боюнча мамлекеттик дирекция жөнүндө" токтомуна өзгөртүүлөрдү жана толуктоолорду киргизүү тууралуу" Кыргыз Республикасынын Өкмөтүнүн 2011-жылдын 12-майындагы № 211 токтому.

6. Бул токтом расмий жарыяланган күндөн тартып күчүнө кирет.

7. Бул токтомдун аткарылышын контролдоо Кыргыз Республикасынын Өкмөтүнүн Аппаратынын региондук өнүктүрүү, транспорт, курулуш жана коммуникациялар бөлүмүнө жүктөлсүн.

Ош жана Жалал-Абад шаарларын калыбына келтирүү жана өнүктүрүү боюнча мамлекеттик дирекцияны жоюу боюнча комиссиянын

КУРАМЫ

Мамбетов Т.М. - Кыргыз Республикасынын Өкмөтүнө караштуу Курулуш жана региондук өнүктүрүү боюнча мамлекеттик агенттиктин директорунун орун басары, жоюу комиссиясынын төрагасы;

Жээнбеков Ж.А. - Ош жана Жалал-Абад шаарларын калыбына келтирүү жана өнүктүрүү боюнча мамлекеттик дирекциянын башкы директору, жоюу комиссиясынын төрагасынын орун басары;

Кокочаров У.К. - Кыргыз Республикасынын Өкмөтүнө караштуу Курулуш жана региондук өнүктүрүү боюнча мамлекеттик агенттиктин алдындагы Турак жай-жарандык курулуш департаментинин директору, жоюу комиссиясынын төрагасынын орун басары.

Комиссия мүчөлөрү:

Алимбеков Ж. - Ош жана Жалал-Абад шаарларын калыбына келтирүү жана өнүктүрүү боюнча мамлекеттик дирекциянын башкы бухгалтери;

Кеңешбаев М.С. - Кыргыз Республикасынын Өкмөтүнө караштуу Курулуш жана региондук өнүктүрүү боюнча мамлекеттик агенттиктин алдындагы Турак жай-жарандык курулуш департаментинин башкы бухгалтери;

Файзулдаев Д.М. - Кыргыз Республикасынын Финансы министрлигинин капиталдык салымдар боюнча бөлүмүнүн начальниги;

Кеңешов Т.С. - Кыргыз Республикасынын Өкмөтүнө караштуу Курулуш жана региондук өнүктүрүү боюнча мамлекеттик агенттиктин шаар куруу жана аймактарды өнүктүрүү башкармалыгынын начальниги;

Рыскулов М.А. - Кыргыз Республикасынын Өкмөтүнө караштуу Курулуш жана региондук өнүктүрүү боюнча мамлекеттик агенттиктин укуктук камсыздоо бөлүмүнүн начальниги;

Сагынова Ч.Х. - Кыргыз Республикасынын Өкмөтүнө караштуу Курулуш жана региондук өнүктүрүү боюнча мамлекеттик агенттиктин алдындагы Турак жай-жарандык курулуш департаментинин капиталдык курулуш объекттерине мониторинг жүргүзүү жана тизмегин түзүү башкармалыгынын начальнигинин орун басары.