Постановление Правительства КР от 2 октября 2013 года № 546 «О проекте Закона Кыргызской Республики»О внесении дополнения в Закон Кыргызской Республики «О нормативных правовых актах Кыргызской Республики"

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2013-жылдын 2-октябры № 546

“Кыргыз Республикасынын ченемдик укуктук актылары жөнүндө” Кыргыз Республикасынын Мыйзамына толуктоо киргизүү тууралуу” Кыргыз Республикасынын Мыйзамынын долбоору жөнүндө

Кыргыз Республикасынын Конституциясынын 79-беренесине ылайык Кыргыз Республикасынын Өкмөтү

ТОКТОМ КЫЛАТ:

1. “Кыргыз Республикасынын ченемдик укуктук актылары жөнүндө” Кыргыз Республикасынын Мыйзамына толуктоо киргизүү тууралуу” Кыргыз Республикасынын Мыйзамынын долбоору жактырылсын.

2. Аталган мыйзам долбоору Кыргыз Республикасынын Жогорку Кеңешинин кароосуна жиберилсин.

3. Кыргыз Республикасынын юстиция министри аталган мыйзам долбоору Кыргыз Республикасынын Жогорку Кеңешинде каралган учурда Кыргыз Республикасынын Өкмөтүнүн расмий өкүлү болуп дайындалсын.

Долбоор

Кыргыз Республикасынын Мыйзамы “Кыргыз Республикасынын ченемдик укуктук актылары жөнүндө” Кыргыз Республикасынын Мыйзамына толуктоо киргизүү тууралуу

1-берене

“Кыргыз Республикасынын ченемдик укуктук актылары жөнүндө” Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2009-ж., № 7, 751-б.) төмөнкү толуктоо киргизилсин:

20-берене төмөнкү мазмундагы 5-бөлүк менен толукталсын:

“5. Экспертизалардын адистештирилген түрлөрүн жүзөгө ашыруу укугуна жеке жана юридикалык жактарды аккредиттөөнү Кыргыз Республикасынын Өкмөтү тарабынан аныкталган, аккредиттөө чөйрөсүндөгү ыйгарым укуктуу мамлекеттик орган жүргүзөт.

Экспертизалардын адистештирилген түрлөрүн жүзөгө ашыруу укугуна жеке жана юридикалык жактарды аккредиттөөнү өткөрүү тартиби Кыргыз Республикасынын Өкмөтү тарабынан белгиленет.”.

2-берене

Бул Мыйзам расмий жарыяланган күндөн тартып он беш күн өткөндөн кийин күчүнө кирет.

Кыргыз Республикасынын