ПостановлениеДействует

Постановление Правительства КР от 17 июня 2011 года № 324 «О внесении изменений в постановление Правительства Кыргызской Республики»Об обеспечении Министерства чрезвычайных ситуаций Кыргызской Республики служебными помещениями" от 2 октября 2008 года № 555

Редакцияот 17.06.2011
Скачать .docx
Этот документ есть на русском языкеРусский
Герб Кыргызской Республики

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2011-жылдын 17-июну № 324

Кыргыз Республикасынын Өкмөтүнүн 2008-жылдын 2-октябрындагы № 555 "Кыргыз Республикасынын Өзгөчө кырдаалдар министрлигин кызматтык жайлар менен камсыз кылуу жөнүндө" токтомуна өзгөртүүлөрдү киргизүү тууралуу

 

Кыргыз Республикасынын Улуттук илимдер академиясынын Түштүк бөлүмүнүн Региондук илимий-билим берүү борборун кызматтык жай менен камсыз кылуу максатында Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнүн 2008-жылдын 2-октябрындагы № 555 "Кыргыз Республикасынын Өзгөчө кырдаалдар министрлигин кызматтык жайлар менен камсыз кылуу жөнүндө" токтомуна төмөнкүдөй өзгөртүүлөр киргизилсин:

- 2-пунктта:

"Кыргыз Республикасынын Мамлекеттик мүлктү башкаруу боюнча мамлекеттик комитети" деген сөздөр "Кыргыз Республикасынын Мамлекеттик мүлк министрлиги" деген сөздөр менен алмаштырылсын;

экинчи абзац төмөнкү редакцияда баяндалсын:

"-ушул токтомдун аталган 1 жана 3-пункттарында объекттерди

кабыл алуу-өткөрүп берүүнү белгиленген тартипте камсыз кылсын;"

-3-пункт төмөнкү редакцияда баяндалсын:

"3. Кыргыз Республикасынын Өзгөчө кырдаалдар министрлиги Ош шаары, Ашхабад көчөсү, 88а дареги боюнча жайгашкан имаратты Кыргыз Республикасынын Улуттук илимдер академиясынын Түштүк бөлүмүнүн Региондук илимий-билим берүү борборунун балансына белгиленген тартипте өткөрүп берсин.".

2. Бул токтом расмий жарыяланган күндөн тартып күчүнө кирет.

 

 

Премьер-министр

А.Атамбаев