Постановление Правительства КР от 4 ноября 2011 года № 703 «О внесении изменения в постановление Правительства Кыргызской Республики»О государственной поддержке мероприятий по регулированию численности волков и шакалов" от 2 сентября 1997 года № 509

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2011-жылдын 4-ноябры № 703

Кыргыз Республикасынын Өкмөтүнүн 1997-жылдын 2-сентябрындагы № 509 "Карышкырлардын жана чөөлөрдүн санын жөнгө салуу боюнча иш-чараларга мамлекеттик колдоо көрсөтүү жөнүндө" токтомуна өзгөртүүлөрдү киргизүү тууралуу

Карышкырларга жана чөөлөргө каршы күрөштү күчөтүү жана республиканын аймагында алардын санын жөнгө салуу боюнча иш-чараларга мамлекеттик колдоону камсыздоо максатында Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнүн 1997-жылдын 2-сентябрындагы № 509 "Карышкырлардын жана чөөлөрдүн санын жөнгө салуу боюнча иш-чараларга мамлекеттик колдоо көрсөтүү жөнүндө" токтомуна төмөнкүдөй өзгөртүү киргизилсин:

- 3-пункт төмөнкүдөй редакцияда берилсин:

"3. Жок кылынган карышкырлардын жана чөөлөрдүн терилерин өткөргөндүгү үчүн сыйлыктар төмөнкүдөй өлчөмдө (бир башы үчүн) белгиленсин: карышкыр үчүн (дөбөтү, канчыгы) - 5000 сом, карышкырдын бөлтүрүктөрү үчүн - 3500 сом, чөө үчүн - 3000 сом.".

2. Кыргыз Республикасынын Финансы министрлиги:

- карышкырлардын жана чөөлөрдүн санын жөнгө салуу, ошондой эле аңчыларга материалдык колдоо көрсөтүү боюнча иш-чараларды кошумча каржылоого 2011-жылы республикалык бюджеттен 1 млн.сом бөлсүн;

- жогоруда аталган иш-чараларды кошумча каржылоого республикалык бюджеттин чыгымдоо бөлүгүндө жыл сайын 2 млн.сом өлчөмүндө каражат карасын.

3. Бул токтом расмий жарыяланган күндөн тартып күчүнө кирет.