ПостановлениеДействует

Постановление Правительства КР от 17 марта 2014 года № 156 «О приеме в государственную собственность автотранспортного средства»

Редакцияот 17.03.2014
Скачать .docx
Этот документ есть на русском языкеРусский
Герб Кыргызской Республики

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2014-жылдын 17-марты № 156

Мамлекеттик менчикке автоунаа каражатын кабыл алуу жөнүндө

Чүй облусунун Жайыл районундагы Кызыл-Дыйкан айыл өкмөтүнүн материалдык-техникалык базасын чындоо максатында, "Кыргыз Республикасынын Өкмөтү жөнүндө" Кыргаз Республикасынын конституциялык Мыйзамынын 10 жана 17-беренелерине жана Кыргыз Республикасынын Бажы кодексине ылайык Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнө караштуу Мамлекеттик бажы кызматы Бириккен Улуттар Уюмунун Кыргыз Республикасындагы Өнүктүрүү программасынын Өкүлчүлүгунүн арызына ылайык 1998-жылы чыгарылган, кыймылдаткычынын № FE076924, кузовунун № NAGC2222VAVA353389, ак түстөгү "Киа-Кредос" маркасындагы автоунаа каражатын мамлекеттин пайдасына баш тартуунун бажылык режиминде бажылык тариздөөнү жүргүзсүн.

2. Кыргыз Республикасынын Өкмөтүнө караштуу Мамлекеттик мүлктү башкаруу боюнча фонд белгиленген тартипте:

- ушул токтомдун 1-пунктунда көрсөтүлгөн автоунаа каражатын мамлекеттин менчигине кабыл алсын;

- ушул токтомдун 1-пунктунда көрсөтүлгөн автоунаа каражатынын наркын баалоону жүргүзсүн;

- ушул токтомдун 1-пунктунда көрсөтүлгөн автоунаа каражатын Чүй облусунун Жайыл районундагы Кызыл-Дыйкан айыл өкмөтүнүн муниципалдык менчигине өткөрүп берсин.

3. Чүй облусунун Жайыл районундагы Кызыл-Дыйкан айыл өкмөтүнө ушул токтомдун 1-пунктунда көрсөтүлгөн автоунаа каражатын муниципалдык менчикке белгиленген тартипте кабыл алуу сунушталсын.

4. Кыргыз Республикасынын Финансы министрлиги ушул токтомдун 1-пунктунда көрсөтүлгөн автоунаа каражатынын наркын мамлекеттик бюджеттин киреше бөлүгүндө эсепке алсын.

5. Бул токтом расмий жарыяланган күндөн тартып күчүнө кирет.

6. Бул токтомдун аткарылышын контролдоо Кыргыз Республикасынын Өкмөтүнүн Аппаратынын уюштуруу-инспектордук иштер жана жергиликтүү өз алдынча башкаруу бөлүмүнө жүктөлсүн.

 

Премьер-министр

Ж. Сатыбалдиев