Постановление Правительства КР от 7 сентября 2015 года № 622 «О передаче охотничьего угодья»

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2015-жылдын 7-сентябры № 622

Аңчылык чарба жерин өткөрүп берүү жөнүндө

Жогорку жана бийик деңгээлдеги чет мамлекеттик делегациялардын Кыргыз Республикасына болгон визиттери менен байланышкан протоколдук иш-чараларды уюштуруу жана өткөрүү максатында, анын ичинде жеке визиттердин алкагында аңчылыкты уюштуруу үчүн, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү токтом кылат:

1. Кыргыз Республикасынын Өкмөтүнө караштуу Курчап турган чөйрөнү коргоо жана токой чарбасы мамлекеттик агенттиги Кыргыз Республикасынын Президентинин жана Өкмөтүнүн Иш башкармасынын алдындагы "Кыргыз мамлекеттик аңчылык чарбасы" мамлекеттик ишканасынын ыкчам башкаруусуна Ысык-Көл облусунун Жети-Өгүз районунда жайгашкан, аянты 108924,4 га № 14 аңчылык чарба жерин ушул токтомдун тиркемесине ылайык чек араларда 4 штаттык бирдиги жана эмгек акы төлөө фонду менен өткөрүп берсин.

2. Ысык-Көл облусунун Жети-Өгүз райондук мамлекеттик администрациясы белгиленген тартипте:

- ушул токтомдун 1-пунктунда көрсөтүлгөн аңчылык чарба жерин Кыргыз Республикасынын Президентинин жана Өкмөтүнүн Иш башкармасынын алдындагы "Кыргыз мамлекеттик аңчылык чарбасы" мамлекеттик ишканасынын пайдалануусуна берсин;

- жерди эсепке алуу документтерине тиешелүү өзгөртүүлөрдү киргизсин.

3. Кыргыз Республикасынын Өкмөтүнүн 2014-жылдын 25-мартындагы № 179 "Айрым аңчылык участокторун жана мүлктүк комплекстерди өткөрүп берүү жөнүндө" токтомуна төмөнкүдөй өзгөртүүлөр киргизилсин:

- 1-пункттун үчүнчү абзацы күчүн жоготту деп таанылсын;

- 2-пункттагы "жана Ысык-Көл облусунун Жети-Өгүз району" деген сөздөр алынып салынсын.

4. Ушул токтом расмий жарыяланган күндөн он күн өткөндөн кийин күчүнө кирет.

"Эркин Тоо" газетасынын 2015-жылдын 11-сентябрында № 88-89 жарыяланды

5. Ушул токтомдун аткарылышын контролдоо Кыргыз Республикасынын Өкмөтүнүн Аппаратынын агроөнөр жай комплекси жана экология бөлүмүнө жүктөлсүн.

Тиркеме

Кыргыз Республикасында айлана-чөйрөнү булгагандык үчүн төлөмдүн СТАВКАЛАРЫ

1. Айлана-чөйрөнү булгагандык үчүн төлөмдүн ставкалары төмөнкүлөрдү түзөт:

- атмосферага чыгарылган булгоочу заттардын келтирилген тоннасы үчүн 3,24 сом өлчөмүндө;

- айлана-чөйрөгө саркынды суулар менен агызып чыгарылган булгоочу заттардын келтирилген тоннасы үчүн 10,5 сом өлчөмүндө;

- айлана-чөйрөгө калдыктарды жана кен калдыктарын жайгаштыруу үчүн калдыктардын жана кен калдыктарынын келтирилген тоннасы үчүн 3,24 сом өлчөмүндө.

2. Айлана-чөйрөнү булгагандык үчүн төлөмдүн ставкалары айлана-чөйрөнү булгагандык үчүн төлөмдү эсептөөдө пайдаланылат.

3. Жаратылышты коргоо чыгымдарына баалардын деңгээлинин өзгөрүшүнө байланыштуу айлана-чөйрөнү булгагандык үчүн төлөмдүн ставкаларына төлөмдү индексациялоо коэффициенти колдонулат.