Постановление Правительства КР от 15 марта 2017 года № 153 «О внесении дополнения в постановление Правительства Кыргызской Республики»Об утверждении Устава Национальной академии наук Кыргызской Республики«от 9 декабря 1997 года № 719»

КР Өкмөтүнүн 2019-жылдын 18-сентябрындагы № 490 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2017-жылдын 15-марты № 153

Кыргыз Республикасынын Өкмөтүнүн 1997-жылдын 9-декабрындагы № 719 "Кыргыз Республикасынын Улуттук илимдер академиясынын Уставын бекитүү жөнүндө" токтомуна толуктоо киргизүү тууралуу

"Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнүн 1997-жылдын 9-декабрындагы № 719 "Кыргыз Республикасынын Улуттук илимдер академиясынын Уставын бекитүү жөнүндө" токтомуна төмөнкүдөй толуктоо киргизилсин:

жогоруда аталган токтом менен бекитилген Кыргыз Республикасынын Улуттук илимдер академиясынын Уставында:

- 48-пункту төмөнкүдөй мазмундагы алтынчы - он үчүнчү абзацтар менен толукталсын:

"Кыргыз Республикасынын Улуттук илимдер академиясынын президентинин ыйгарым укуктары төмөнкү учурларда мөөнөтүнөн мурда токтотулушу мүмкүн:

- өзүнүн арызынын негизинде;

- Кыргыз Республикасынын Улуттук илимдер академиясынын жалпы чогулушунун тизмедеги курамынын үчтөн эки бөлүгүнөн кем эмес мүчөлөрүнүн демилге кылынган чакырып алуусу боюнча;

- билим берүү жана илим жаатындагы ыйгарым укуктуу мамлекеттик органдын сунуштамасынын негизинде Кыргыз Республикасынын Өкмөтүнүн чечими боюнча;

- оорусуна байланыштуу кызматтык милдеттерин аткара албаганда;

- соттун айыптоочу өкүмү күчүнө киргенде;

- каза болгон учурда.

Кыргыз Республикасынын Улуттук илимдер академиясынын президентинин ыйгарым укуктары мөөнөтүнөн мурда токтотулган учурда Кыргыз Республикасынын Премьер-министри шайлоо өткөрүлгөнгө чейин УИАнын президентинин милдетин аткаруучусун дайындайт.".

2. Ушул токтом расмий жарыяланган күндөн тартып күчүнө кирет.