“Кыргыз Республикасынын айрым мыйзам актыларына (“Кыргыз Республикасындагы лицензиялык-уруксат берүү тутуму жөнүндө”, “Тышкы эмгек миграциясы жөнүндө” Кыргыз Республикасынын Мыйзамдарына, Кыргыз Республикасынын Укук бузуулар жөнүндө кодексине) өзгөртүүлөрдү киргизүү тууралуу” Кыргыз Республикасынын Мыйзамынын долбоору

Кыргыз Республикасынын “Кыргыз Республикасындагы лицензиялык-уруксат берүү тутуму жөнүндө” Мыйзамынын, “Тышкы эмгек миграциясы жөнүндө” Мыйзамынын, Кыргыз Республикасынын Укук бузуулар жөнүндө кодексине өзгөртүүлөрдү киргизүү тууралуу” Кыргыз Республикасынын Мыйзамынын долбоорунун негизги максаты — 1997-жылдын 3-июнунда кабыл алынган, Кыргыз Республикасынын 2025-жылдын 17-октябрындагы № 223 Мыйзамы менен ратификацияланган Эл аралык эмгек уюмунун Иш менен камсыз кылуу жеке агенттиктери жөнүндө № 181 конвенциясынын (мындан ары – № 181 конвенция) жоболорун имплементациялоо, ошондой эле Кыргыз Республикасында жеке иш менен камсыз кылуу агенттиктеринин (мындан ары – ЖИКА) ишин укуктук жөнгө салуунун комплекстүү системасын түзүү, кызматкерлердин жана жумуш издеген адамдардын укуктарын коргоону камсыз кылуу жана эмгек рыногунун натыйжалуулугун жогорулатуу болуп саналат.