Кыргыз Республикасынын айрым мыйзам актыларына өзгөртүүлөрдү киргизүү жөнүндө (Кыргыз Республикасынын Кылмыш-жаза кодексине, Кыргыз Республикасынын Кылмыш-жаза процессуалдык кодексине, Кыргыз Республикасынын Укук бузуулар жөнүндө кодексине)

Ушул «Кыргыз Республикасынын айрым мыйзам актыларына өзгөртүү киргизүү жөнүндөгү (Кыргыз Республикасынын Кылмыш-жаза кодексине, Кыргыз Республикасынын Кылмыш-жаза процессуалдык кодекси жана Кыргыз Республикасынын Укук бузуулар жөнүндө кодекси)» Кыргыз Республикасынын Мыйзамынын долбоору (мындан ары – Мыйзам долбоору) санариптик далилдер институтун улуттук мыйзамдарга имплементациялоо максатында иштелип чыккан, бул санариптик технологиялардын тездик менен өнүгүшүнө жана алардын барган сайын укукка каршы иш-аракеттерде активдүү колдонулушуна, ошондой эле Кыргыз Республикасынын Санариптик кодексиндеги санариптик технологиялар менен байланышкан терминдерди шайкеш келтирүүгө шартталган. Бул мыйзамдын долбоорунун милдети Кыргыз Республикасынын кылмыш процессинде жана укук бузуулар жөнүндө иштер боюнча өндүрүштө санариптик далилдер институтун киргизүү жана ченемдик жактан бекемдөө жана далилдөө максатында санариптик маалыматтарды чогултуу, каттоо, сактоо, алуу жана пайдалануу үчүн тийиштүү укуктук негиз түзүү болуп саналат.