Кыргыз Республикасынын Мыйзамынын долбооруна “Кыргыз Республикасынын айрым мыйзам актыларына ( “Жер казынасы жөнүндө”, “Күрөө жөнүндө” жана “Өндүрүш жана керектөө калдыктары жөнүндө” Кыргыз Республикасынын Мыйзамдарына) өзгөртүүлөрдү киргизүү тууралуу”

Кыргыз Республикасынын ушул Мыйзам долбоорунун максаты “Жер казынасы жөнүндө” Кыргыз Республикасынын Мыйзамындагы ички коллизияларды жоюу жана жер казынасын пайдаланууну лицензиялоонун механизмдерин өркүндөтүү болуп саналат. Кыргыз Республикасынын Мыйзам долбоорунун милдети жергиликтүү мамлекеттик администрация тарабынан кум-шагыл аралашмасын жана чопо-топуракты казып алууга укуктарды каттоо жөнүндө күбөлүктү берүүнү жокко чыгаруу, лицензияланган ишке контролду күчөтүү жана мыйзамдык талаптардын сакталышын камсыз кылуу үчүн күрөөлүк укуктук мамилелерге тыюу салууну киргизүү, мамлекеттик экспертизаларды өткөрүү мөөнөтүн кыскартуу, жер казынасын пайдалануу укугун берүүдө электрондук аукциондорду өткөрүүнү камсыздоо жана жер казынасын пайдаланууну лицензиялоо процессин жөнгө салуучу башка жоболор болуп саналат.