Кыргыз Республикасынын баалуу кагаздар рыногу чөйрөсүндөгү айрым мыйзам актыларына өзгөртүүлөрдү киргизүү жөнүндө

Мыйзам долбоорунун максаты – катышуучуларга административдик жүктү азайтуу, ашыкча талаптарды жоюу, жөнгө салуунун ачыктыгын жана натыйжалуулугун жогорулатуу, ошондой эле ченемдик укуктук базаны санариптештирүүнүн заманбап шарттарына ыңгайлаштыруу максатында баалуу кагаздар рыногун жөнгө салуунун айрым жол-жоболорун жөнөкөйлөтүү жана оптималдаштыруу. Мыйзам долбоорунун негизги милдети Кыргыз Республикасынын Министрлер Кабинетинин мыйзам алдындагы актыларынын деңгээлине инструктивдик, жол-жоболук жана техникалык ченемдерди өткөрүп берүү, ипотекалык камсыздоонун санариптик реестрин, отчеттуулуктун жана маалыматты ачыкка чыгаруунун санариптик механизмдерин киргизүү, ошондой эле ипотекалык баалуу кагаздар рыногун жөнгө салуунун ийкемдүүлүгүн жана ыңгайлашуусун камсыз кылуу болуп саналат.