“Дене тарбия жана спорт жөнүндө” Кыргыз Республикасынын Мыйзамына өзгөртүүлөрдү киргизүү тууралуу

Бул долбоордун максаты спорттун адаптациялык түрлөрү менен машыккан, анын ичинде угуусу начар адамдар үчүн зарыл шарттарды түзүү болуп саналат. Ошол эле учурда долбоор Мыйзам долбооруна республикалык федерациялар менен дене тарбия жана спорт чөйрөсүндөгү ыйгарым укуктуу мамлекеттик органдын ортосундагы өз ара мамилелерди жөнгө салуучу жоболорду, ошондой эле спортсмендердин эмгек стажын эсепке алууга тиешелүү ченемдерди киргизүүнү карайт. Буга кошумча спорттук-массалык иш-чараларда көрүүчүлөрдүн коопсуздугун камсыз кылуучу эрежелерди кабыл алуу жана андан ары бекитүү Кыргыз Республикасынын аймагында бардык спорттук иш-чараларды өткөрүүдө тартипти жана коопсуздукту камсыз кылуу системасын бекемдөөгө мүмкүндүк берет.