"Кыргыз Республикасынын айрым Мыйзам актыларына ("Кыргыз Республикасындагы жол кыймылы жөнүндө" Кыргыз Республикасынын мыйзамына, Кыргыз Республикасынын Кылмыш-жаза кодексине, Кыргыз Республикасынын Кылмыш жаза-процессуалдык кодексине жана Кыргыз Республикасынын укук бузуулар жөнүндө кодексине) өзгөртүүлөрдү киргизүү жөнүндө" мыйзам долбоору

Ушул Мыйзам долбоору Кыргыз Республикасынын Президентинин "Кыргыз Республикасында жол кыймылынын коопсуздугун камсыз кылуу боюнча кечиктирилгис чаралар жөнүндө" 2021-жылдын 7- декабрындагы №548 Жарлыгын андан ары ишке ашыруу жана жол-транспорт кырсыктарын (мындан ары-ЖТК), ошондой эле алардын оор кесепеттерин азайтуу максатында иштелип чыккан. Ошондой эле, бул мыйзам долбоору жол кыймылынын бардык катышуучуларынын өмүрүнө жана ден соолугуна коркунуч келтирүүчү алкоголдук ичимдиктерди, баңги каражаттарын же башка мас кылуучу заттарды колдонуудан келип чыккан мас абалында транспорт каражаттарын башкарган адамдардын жоопкерчилигин күчөтүү жолу менен жол кыймылынын коопсуздугун камсыз кылуу чөйрөсүндө кылмыштарды, укук бузууларды жасоону болтурбоо милдетине ээ.