“Кыргыз Республикасынын айрым мыйзам актыларына (Кыргыз Республикасынын Кылмыш-жаза кодексине, Кыргыз Республикасынын Кылмыш-жаза процессуалдык кодексине, Кыргыз Республикасынын укук бузуулар жөнүндө кодексине, Кыргыз Республикасынын Жарандык процесстик кодексине, Кыргыз Республикасынын “Экстремисттик ишке каршы аракеттенүү жөнүндө” мыйзамына) өзгөртүүлөрдү киргизүү жөнүндө” Кыргыз Республикасынын Мыйзамынын долбоору

Кыргыз Республикасынын ушул Мыйзам долбоору экстремисттик багыттагы кылмыштарды жасагандыгы үчүн жазык-укуктук ченемдерди өркүндөтүү, экстремисттик уюмду түзүү, жетектөө, экстремисттик материалдарды даярдоо, таратуу, ташуу же жөнөтүү үчүн жазык жоопкерчиликти күчөтүү; кылмыш-жаза мыйзамдарына жана укук бузуулар жөнүндө мыйзамдарына ылайык экстремисттик материалдарды сактоо үчүн жоопкерчиликти киргизүү; уюмдарды экстремисттик жана террористтик деп таануу маселеси боюнча Кыргыз Республикасынын Жарандык процесстик кодексинин ченемдерин Кыргыз Республикасынын “Экстремисттик ишке каршы аракеттенүү жөнүндө” мыйзамынын жоболоруна ылайык келтирүү максатында иштелип чыкты.

Ошондой эле, долбоор Терроризмге каршы аракеттенүү боюнча ведомстволор аралык координациялык комиссиянын 2024-жылдын 27-июлундагы XVII отурумунда коомдук-саясий кырдаалды туруксуздаштырууга жана улуттук, этностук, расалы…