Венчурдук каржылоо жөнүндө

“Венчурдук Каржылоо жөнүндө” Кыргыз Республикасынын Мыйзам долбоорунун (мындан ары – Мыйзам долбоору) максаты өлкөдө инвестициялык климатты ырааттуу жакшыртуу жана жагымдуу укуктук режимди түзүү жана заманбап рыноктун талаптарына жана венчурдук ишмердүүлүктү жүргүзүүнүн жалпы таанылган эл аралык эрежелерине ылайык инвесторлорго кепилдик берүү аркылуу стартаптарга жана инновациялык компанияларга венчурдук инвестицияларды өбөлгөлөө болуп саналат. Бул мыйзамдын кабыл алынышы менен венчурдук ишмердик субъекттери үчүн зарыл болгон укуктук база жана укуктук “аныктык” түзүлөт жана бул индустрияны өнүктүрүү үчүн чектөөлөрдү алып салуу абдан маанилүү. Венчурдук инвестициялар ар дайым инновациялык компанияларды жана стартаптарды өнүктүрүүгө кетет деген негизде, бул мыйзам өлкөнүн стартап-экосистемасын тездетилген өнүктүрүүгө өбөлгө түзөт, бул инновацияларды күчөтөт жана өлкөнүн кыйла тездетилген экономикалык өсүшү үчүн мүмкүнчүлүктөрдү түзөт.