“Соттук-эксперттик иш жөнүндө” Кыргыз Республикасынын Мыйзамына өзгөртүүлөрдү киргизүү тууралуу" Кыргыз Республикасынын Мыйзамынын долбоору

Кыргыз Республикасынын Мыйзамынын сунушталган долбоорунда компетенттүүлүктүн тиешелүү сертификаты бар адамдарга соттук-эксперттик ишти уюмдардан тышкары жеке тартипте жүргүзүү мүмкүнчүлүгүн берүү сунушталат. Жеке соттук-эксперттик иш соттук эксперттердин таза атаандаштыгын жогорулатууга өбөлгө түзүшү мүмкүн, бул жүргүзүлүп жаткан изилдөөлөрдүн сапатын жакшыртууга алып келиши керек. Жеке соттук эксперттер үчүн эшиктерди ачуу соттук-эксперттик иште жаңы методикаларды жана мамилелерди өнүктүрүүнүн катализатору болууга тийиш. Ошондой эле сунушталган долбоордо Кыргыз Республикасынын “Соттук-эксперттик иш жөнүндө” Мыйзамынын 13-беренесинде көрсөтүлгөн экспертизалардын түрлөрүн жүргүзүү укугун мамлекеттик эмес эксперттерге өткөрүп берүү каралган.Мындан тышкары, Кыргыз Республикасында соттук-эксперттик иш чөйрөсүндө атаандаштыкка жөндөмдүүлүктү колдоо максатында мамлекеттик эмес соттук-эксперттик уюмдарга жана мамлекеттик эмес соттук эксперттерге Кыргыз Республикасынын Министрлер Кабинети аныктаган тартипте Мамлекеттик соттук-эксперттик уюмдун адистештирилген лабораториялык жабдууларын пайдаланууга мүмкүнчүлүк берүү сунушталат. Мамлекеттик уюмдардын жабдууларын пайдалануу мүмкүнчүлүгү мамлекеттик эмес жана мамлекеттик соттук эксперттердин ортосундагы кызматташтыкты бекемдөөгө жардам берип, бул билим жана тажрыйба алмашууга алып келет деп ойлойбуз.

Ошону менен бирге, Кыргыз Республикасынын “Соттук-эксперттик иш жөнүндө” Мыйзамынын 13-беренесинин колдонуудагы редакциясында мамлекеттик эмес соттук-эксперттик уюмдар соттук-эксперттик ишке катышуу үчүн ыйгарым укуктуу…