«Кыргыз Республикасынын айрым мыйзамдарына (Кыргыз Республикасынын Укук бузуулар жөнүндө кодексине, Кыргыз Республикасынын Жарандык кодексине) өзгөртүүлөрдү киргизүү жөнүндө»Кыргыз Республикасынын Мыйзамынын долбоору

Бул мыйзам долбоорунун максаты – Кыргыз Республикасынын Укук бузуулар жөнүндө кодексин жана Кыргыз Республикасынын Жарандык кодексин өркүндөтүү, айлана-чөйрөнү коргоо чөйрөсүндө мамлекеттик контролду жана көзөмөлдү натыйжалуулугун жогорулатуу, экологиялык укук бузуулар үчүн административдик жоопкерчиликти күчөтүү жана айлана-чөйрөгө келтирилген зыян үчүн жоопкерчиликтин сөзсүз аткарылуу принцибин камсыз кылуу. Мыйзам долбоору Кыргыз Республикасынын Конституциясынын 16-беренесинде бекитилген, ага ылайык жер, анын ичинде жер кыртышы, аба мейкиндиги, суулар, токойлор, жайыттар, өсүмдүктөр жана жаныбарлар дүйнөсү, ошондой эле башка жаратылыш ресурстары Кыргыз Республикасынын өзгөчө менчиги болуп саналат, элдин жашоосунун жана ишмердүүлүгүнүн негизи катары пайдаланылат жана бирдиктүү экологиялык тутумду сактоо жана туруктуу өнүгүүнү камсыз кылуу максатында мамлекеттин контролунда жана өзгөчө коргоосунда турат деген конституциялык жоболорду натыйжалуу ишке ашырууга багытталган.

Мындан тышкары, сунушталып жаткан өзгөртүүлөр Кыргыз Республикасынын Конституциясынын 49-беренесинин жоболорун ишке ашырууну камсыз кылууга багытталган, ал ар бир адамдын жашоого жана ден соолукка ыңгайлуу экологиялык чө…