КЫРГЫЗ РЕСПУБЛИКАСЫНЫН МЫЙЗАМЫ «Кыргыз Республикасынын жарандыгы жөнүндө» Кыргыз Республикасынын Мыйзамына өзгөртүүлөрдү киргизүү тууралуу

Ушул Мыйзамдын долбоору Кыргыз Республикасынын Конституциясынын 79-беренесине жана “Кыргыз Республикасынын ченемдик укуктук актылары жөнүндө” Кыргыз Республикасынын Мыйзамына ылайык, ошондой эле 2015-жылдын 12-мартында Кыргыз Республикасынын Коргоо кеңеши тарабынан жактырылган Кыргыз Республикасынын Өкмөтүнө караштуу Мамлекеттик каттоо кызматынын алдындагы Калкты жана жарандык абалдын актыларын каттоо департаментинде системалык коррупцияны демонтаждоо боюнча кадамдык иш-чаралар планынын 33-пунктун жана 2020-жылдын 10-сентябрында Кыргыз Республикасынын Коргоо кеңеши тарабынан жактырылган Кыргыз Республикасынын Өкмөтүнө караштуу Мамлекеттик каттоо кызматынын алдындагы Калкты жана жарандык абалдын актыларын каттоо департаментинде коррупциялык тобокелдиктерди демонтаждоо боюнча актуалдаштырылган пландын 2.1-пунктун аткаруу максатында иштелип чыкты. Кыргыз Республикасынын Президентинин 2021-жылдын 8-февралындагы № 26 “Кыргыз Республикасынын мыйзамдарына инвентаризация жүргүзүү жөнүндө” Жарлыгын ишке ашыруу үчүн жүргүзүлгөн инвентаризациянын жыйынтыгында “Кыргыз Республикасынын жарандыгы жөнүндө” Кыргыз Республикасынын Мыйзамы (мындан ары – Мыйзам) жеткире иштелип чыгууга тийиш мыйзамдардын категориясына кирген.

Ушуга байланыштуу жана Кыргыз Республикасынын жарандык чөйрөсүндөгү Кыргыз Республикасынын мыйзамдарын оптималдаштыруу жана өркүндөтүү, ушул иш боюнча каттоо кызмат көрсөтүүлөрүнүн сапатын жогорулатуу максатында ушул Мый…