“Кыргыз Республикасынын айрым мыйзам актыларына (“Кыргыз Республикасындагы айыл аймактарынын жана шаарларынын деңгээлиндеги административдик-аймактык бирдиктер жөнүндө”, “Жергиликтүү мамлекеттик администрация жана жергиликтүү өз алдынча башкаруу органдары жөнүндө” Кыргыз Республикасынын Мыйзамына) өзгөртүүлөрдү киргизүү жөнүндө” Кыргыз Республикасынын Мыйзамынын долбоору

Ушул Кыргыз Республикасынын Мыйзамынын долбоору жергиликтүү өз алдынча башкаруу чөйрөсүндөгү укуктук жөнгө салууну өркүндөтүү, мыйзамдардын айрым нормаларын Кыргыз Республикасынын Конституциясына ылайык келтирүү, ошондой эле үй-бүлөлүк жана ырым-жырым иш-чараларын өткөрүүнүн форматын, масштабын жана тартибин жөнгө салган жоболордун аткарылышын жана сакталышын көзөмөлдөөнү камсыз кылуу үчүн укуктук негиздерди түзүү максатында иштелип чыккан. Мыйзам долбоору укуктук кагылышууларды жоюуга, жергиликтүү өз алдынча башкаруу органдарынын ишин оптималдаштырууга жана кабыл алынган чечимдерди эске алуу менен административдик-аймактык бирдиктердин аталыштарын актуалдаштырууга багытталган.