КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2017-жылдын 5-октябры № 651

Кыргыз Республикасынын Баткен облусунун Кадамжай районундагы Айдаркен шаарынын мэриясынын муниципалдык менчигине "Коммунальщик-Айдаркен" ачык акционердик коомунун акцияларын өткөрүп берүү жөнүндө

Кыргыз Республикасынын Баткен облусунун Кадамжай районундагы Айдаркен шаарынын жашоо-турмуш системасын натыйжалуу иштетүү жана өнүктүрүү максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине, "Мүлккө муниципалдык менчик жөнүндө" Кыргыз Республикасынын Мыйзамына ылайык, Айдаркен шаардык кеңешинин 2017-жылдын 19-июнундагы № 2 токтомун көңүлгө алуу менен Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнө караштуу Мамлекеттик мүлктү башкаруу боюнча фонд Баткен облусунун Кадамжай районундагы Айдаркен шаарынын мэриясынын муниципалдык менчигине "Коммунальщик-Айдаркен" ачык акционердик коомунун акцияларынын 95 пайызын белгиленген тартипте өткөрүп берсин.

2. Баткен облусунун Кадамжай районундагы Айдаркен шаарынын мэриясына "Коммунальщик-Айдаркен" ачык акционердик коомунун акцияларынын 95 пайызын муниципалдык менчикке кабыл алуу сунушталсын.

3. Ушул токтомдун аткарылышын контролдоо Кыргыз Республикасынын Өкмөтүнүн Аппаратынын уюштуруу-инспектордук иштер жана жергиликтүү өз алдынча башкаруу бөлүмүнө, экономика жана инвестициялар бөлүмүнө жүктөлсүн.

4. Ушул токтом расмий жарыяланган күндөн тартып күчүнө кирет.