КР 2017-жылдын 24-январындагы № 10 Мыйзамына ылайык 2019-жылдын 1-январынан тартып КҮЧҮН ЖОГОТТУ

КЫРГЫ3 РЕСПУБЛИКАСЫНЫН МЫЙ3АМЫ

Бишкек шаары, 2002-жылдын 8-июлу № 115

Кыргыз Республикасынын Кылмыш-жаза кодексине өзгөртүүлөр жана толуктоолор киргизүү жөнүндө

1-статья.

Кыргыз Республикасынын Кылмыш-жаза кодексине (Кыргыз Республикасынын Жогорку Кеңешинин Ведомосттору, 1998-жыл, N 7, 229-ст.) төмөнкү өзгөртүүлөр жана толуктоолор киргизилсин:

1. 18-статьянын экинчи бөлүгүндөгү "Он төрт жашка толгон" деген сөздөр "Кылмыш жасаганга чейин он төрт жашка толгон" деген сөздөр менен алмаштырылсын.

2. 123-статьяда:

үчүнчү бөлүк "каралган жосундар" деген сөздөрдөн кийин "акча алуу максатында же башка жеке кызыкчылыктан жаш балага (кызга) карата, же" деген сөздөр менен толукталсын;

үчүнчү бөлүктүн экинчи абзацы төмөнкү редакцияда баяндалсын:

"он жылдан жыйырма жылга чейинки мөөнөткө эркиндигинен ажыратууга жазаланат.";

эскертүү төмөнкү мазмундагы абзац менен толукталсын:

"Он төрт жашка толо элек адам жаш бала (кыз) деп эсептелет.".

2-статья.

Ушул Мыйзам расмий жарыяланган күндөн тартып күчүнө кирет.