КОЧКОР-АТА ШААРДЫК КЕҢЕШИ

ТОКТОМ

2020-жылдын 2-декабры № 01-5/261

Профилин өзгөртүү жөнүндө

Кочкор-Ата шаардык Кеңешинин XXVII чакырылышынын кезектеги ХХIX сессиясы, Кочкор-Ата шаарынын Фрунзе көчөсүнүн № 31а  үйүнүн тургуну Токтосунова Бурайланын турак жайынын профилин бала бакчага өзгөртүп берүүнү суранып жазган арызын жана Кочкор-Ата шаардык Кеңешинин “Муниципалдык менчик, жер, өнөр жай, курулуш транспорт жана энергетика маселелери боюнча” туруктуу комиссиясынын корутундусун угуп жана талкуулап, Кыргыз Республикасынын «Жергиликтүү өз алдынча башкаруу жөнүндө» мыйзамын жана Кыргыз Республикасынын «Жер Кодексин» жетекчиликке алып                 

ТОКТОМ КЫЛАТ:

1.Кочкор-Ата шаарынын тургуну Токтосунова Бурайланын арызы канааттандырылсын.

2.Кочкор-Ата шаардык Кеңешинин “Муниципалдык менчик, жер, өнөр жай, курулуш, транспорт жана энергетика маселелери боюнча” туруктуу комиссиясынын корутундусу эске алынсын.

3.Кочкор-Ата шаарынын Фрунзе көчөсүнүн № 31а үйүнүн тургуну Токтосунова Бурайланын турак жайынын профилин коммерциялык багытында бала бакчага өзгөртүүгө уруксат берилсин.

4.Пайдалануу багытын өзгөртүү боюнча тийиштүү иш-кагаздарын даярдап берүү райондук архитектура жана шааркурулуш башкармалыгынан суралсын.

5.Токтомдун аткарылышын көзөмөлдөө шаардык Кеңештин “Муниципалдык менчик, жер, өнөр жай, курулуш, транспорт жана энергетика маселелери боюнча” туруктуу комиссиясына  тапшырылсын.