ЗЕРГЕР АЙЫЛДЫК КЕӉЕШИ

ТӨКТӨМ

Зергер айылдык кеңешинин (6 -чакырылыштагы) кезектеги 24-сессиясы

2020-жылдын 28-февралы № 89

Зергер айылдык Кеңешинин 2020-жылга иш планын бекитүү жөнүндө

Кыргыз Республикасынын Жергиликтүү өз алдынча башкаруу жөнүндөгү Мыйзамынын жана Зергер айылдык кеңешинин Регламентине ылайык Зергер айылдык кеңешинин 2020-жыл үчүн иш планын айылдык кеңештин сессиясында карап талкуулап, Зергер айылдык кеңешинин кезектеги 24-сессиясы

токтом кылат:

1.Зергер айылдык кеңешинин 2020-жылга карата иш планы бекитилсин (тиркеме тиркелет).

2.Ушул төктөмдун аткарылышын көзөмөлдөөнү өзүмө калтырам.

Зергер айылдык кеңешинин 2020-жылга иш планы 2020-жылы Зергер айылдык кеңешинин сессиясында каралуучу негизги маселелер:

1.Айылдык кеңешинин 2020-жыл үчүн иш планын бекитүү (2020-жыл,февраль айылдык  кеңештин төрагасы).

2. Зергер айыл өкмөтүнүн 2019-жылда социалдык экономикалык өнүгүү программасынын аткарылышы, муниципалдык менчиктин пайдаланышы жана жергиликтүү бюджеттин аткарылышы жөнүндө.(2020-жыл,февраль айы.Зергер айыл өкмөтүнүн финансы-экономика бөлүмүнүн башчысы-башкы эсепчи).

3. Жайыт комитетинин 2019-жылда аткарган иштери жана бюджетинин аткарылышы жөнүндө отчету жана 2020-жыл үчүн бюджетин жана иш планын бекитүү жөнүндө,1-квартал,айылдык кеңштин «Финансы, экономика,бюджет, экономикалык жактан өнүгүүнүн болжолдуу багыттарын аныктоо жана инвестиция маселелери боюнча туруктуу комиссиясы», Жайыт комитетинин башчысы).

4. Зергер айыл аймагындагы ветсервистердин ишмердүүлүгү жөнүндө (2020-жыл,1-квартал,»Айыл-суу чарба,өнөр жай, курулуш,транспорт, байланыш,энергетика маселелери боюнча туруктуу комиссия», айыл өкмөтүнүн ветадиси).

5. Саламаттыкты сакто мекемелеринин калкты тейлөөдө жана маданият үйүнүн,айылдык китепкананын калкты тейлөөдө аткарып жаткан иштери жөнүндө.(2020-жыл, 2-квартал,»Социалдык маселелер жана дин иштери боюнча туруктуу комиссия», айыл өкмөтүнүн соцадиси).

6. Айыл аймагындагы мекемелердин жаңы окуу жылына,кышка даярдыгы жөнүндө(2020-жыл, 3-квартал,»Социалдык маселелер жана дин иштери боюнча туруктуу комиссия», айыл өкмөт башчысынын орун басары).

7. Айыл өкмөтүнүн бюджетинин 2020-жылдын 6 айында кирешелер жана чыгашалар боюнча планынын аткарылышы жөнүндө (2020-жыл,3-квартал,»Финансы,экономика,бюджет,экономикалык жактан өнүгүүнүн болжолдуу багыттарын аныктоо жана инвестиция маселелери боюнча туруктуу комиссия», Зергер айыл өкмөтүнүн финансы-экономика бөлүмүнүн башчысы-башкы эсепчи).

8. Саламаттыкты сактоо тармагынын аткарып жаткан иштери жөнүндө (2020-жыл, 4-квартал, «Социалдык маселелер жана дин иштери боюнча туруктуу комиссия»,айыл өкмөтүнүн соцадистери).