КЫЗЫЛ-СУУ АЙЫЛДЫК КЕӉЕШИ

ТОКТОМ

Эл депутаттарынын Кызыл-Суу айылдык Кенешинин XXVII чакырылышынын __-сессиясы

2021-жылдын 30-марты № 283

Кыргыз Республикасынын Жергиликтүү өз алдынча башкарууларынын Союзу менен кызматташууну күчөтү тууралуу

Кызыл-Суу айыл аймагынын айылдык кенешинин финансы жана Бюджет боюнча туруктуу комиссиясынын Кыргыз Республикасынын жергиликтүү өз алдынча  башкарууларынын Союзу менен кызматташтыкты күчөтүү жана анын тийиштүү мүчөлүк акыларын убагында төлөө туралуу билдирүүсүн угуп жана талкуулап, Кызыл-Суу айыл аймагынын айылдык кенеши Кыргыз Республикасынын Президентинин 1996-жылдын 24-октябрындагы №309 Жаргыгына жана Кыргыз Республикасынын “Жергиликтүү өз алдынча башкаруу жөнүндө” Мыйзамынын 13-беренесине ылайык КР Ж/Б Союзунун мүчөсү болуп эсептелгендиктен токтом кылат.

1. Кызыл-Суу айыл аймагынын айылдык кенешинин жана Кызыл-Суу айыл өкмөтү Кыргыз Республикасынын мыйзамында, КР ЖӨБ Союзунун Уставында белгиленген тартипте кызматташууну күчөтүү жанан мындан ары өркүндөтүү боюнча иш аракеттерди жүргүзүлсүн.

2. Кызыл-Суу айыл өкмөтүнө КР ЖӨБ Союзу менен тараптардын ар биринин милдеттерин камтыган келишимди иштеп чыгып, кол коюу жагы тапшырылсын.

3. Кызыл-Суу айыл өкмөтүнө жогорудагы ченемдик укуктук актылардын негизинде КР ЖӨБ Союзуна мүчө болгондуктан анын Уставынын 3.7. пунктарына ылайык ар бир жылдын биринчи кварталында айыл аймактын калкынын санынын өсүшүнө жараша ар бир жашоочуга 1 сомдон кем эмес өлчөмүндөгү мүчөлүк акыны жергиликтүү бюджетинин эсебинен КР ЖӨБ Союзунун эсептик счетунан которуп берүүгө уруксаат берилсин.

4. Токтомду расмий булактарга жарыялоо, Кыргыз Республикасынын ченемлик укуктук актыларынын мамлекеттик реестрине киргизүү жагы Кызыл-Суу айыл аймагынын айылдык кенешинин жоопту катчысы А.Ташбаевага милдеттендирилсин.

5. Токтомдун аткарылышын көзөмөлдөө жагы Кызыл-Суу айыл аймагынын айылдык кенешинин финансы жана бюджет боюнча туруктуу комиссиясына тапшырылсын.