Кызыл-Суу айылдык кеңешинин

2022-жылдын 27-декабрындагы № 116

токтомуна ылайык

КҮЧҮН ЖОГОТТУ

КЫЗЫЛ-СУУ АЙЫЛДЫК КЕӉЕШИ

ТОКТОМ

Эл депутаттарынын Кызыл-Суу айылдык кеңешинин XXVII чакырылышынын XIX-сессиясы

2020-жылдын 28-декабры № 251

«Кызыл-Суу Тазалык» муниципалдык ишканасынын жетекчиси Р.Кененбаевдин 2020-жыл ичинде аткарган иши жөнүндө

«Кызыл-Суу Тазалык» муниципалдык ишканасынын жетекчиси Р.Кененбаевдин 2020-жыл ичинде аткарган иши боюнча берген отчеттун угуп талкуулап, Кызыл-Суу айылдык кешешинин XIX-сессиясы

Токтом кылат:

1. «Кызыл-Суу Тазалык» муниципалдык ишканасынын жетекчиси Р.Кененбаевдин 2020-жыл ичинде аткарган иши канагатандыраарлык деп табылсын.

2. Кызыл-Суу айыл аймагынын айылдарынын көрктөндүрүү, жашылдандыруу жана санитардык тазалоо боюнча конкреттүү иш чаралардын планын иштеп анын аткарылышын камсыз кылуу жагы «Кызыл-Суу Тазалык» муниципалдык ишканасынын жетекчиси Р.Кененбаевге милдеттендирилсин.

3. Кызыл-Суу айыл аймагынын ичиндеги таштандыларды чыгаруу боюнча 2020-жылдын 3-декабрь айында өткөрүлгөн коомдук угууда (сельсий сход) Кызыл-Суу, Жалгыз-Өрүк, Кирпичный, Пристань, Кайнар айылдарынын тургундарынын көпчүлүк добушу менен, ар бир кожолугунан 54 (элүү төрт) сомдон бекитүү боюнча чечими бекитилсин.

4. Кызыл-Суу айыл аймагынын тургундарынан бекитилген тарифтердин негизинде акчаларды чогултуу жагы «Кызыл-Суу Тазалык» муниципалдык ишканасынын жетекчиси Р.Кененбаевге тапшырылсын.

5. Айыл аймагында аз камсыз болгон үй-бүлөлөр таштандыга болгон төлөмдөн бошотулсун.Айыл өкмөтүнүн боюжетинин эсебинен жогорудагы категориядагы адамдарга субсидия берилсин.

6. «Кызыл-Суу Тазалык» муниципалдык ишканасынын штаттык бирдиги № 1 тиркемеге ылайык бекитилсин.

7. Кызыл-Суу айыл аймагындагы баардык юридикалык жактардын жана жеке ишкерлердин таштандыларды чыгаруу боюнча тарифи №2 тиркемеге ылайык бекитилсин.

8. Токтомдун аткарылышын көзөмөлгө алуу жагы айылдык кенештин социалдык маселелер боюнча туруктуу комитетине жана айыл өкмөтүнүн башчысынын орун басары Ж.Кыдыевге жүктөлсүн.