ЖЕТИ-ӨГҮЗ АЙЫЛДЫК КЕҢЕШИ

ТОКТОМ

Жети-Өгүз айылдык кеңешинин ХХVII-чакырылышынын кезексиз 38- сессиясы

2021-жылдын 5-марты № 38

«Жети-Өгүз айылдык аймагынын жергиликтүү жамаатынын Уставын» бекитүү жөнүндө

Кыргыз Республикасынын «Жергиликтүү өз алдынча башкаруу жөнүндө» мыйзамынын 15-беренесинин талаптарына ылайык, Ысык-Көл облусунун, Жети-Өгүз районунун Жети-Өгүз айыл аймагынын жергиликтүү жамаатынын элдик жыйындарында жергиликтүү жамааттын Уставынын долбоорун талкуулап, жыйындарда жергиликтүү жамааттан, депуттардан түшкөн сын-пикир, сунуштарын эске алып, Жети-Өгүз айылдык кеңешинин бюджеттик туруктуу комиссиясынын корутундусун угуп, Жети-Өгүз айылдык кеңеши Кыргыз Республикасынын «Жергиликтүү өз алдынча башкаруу жөнүндө» Мыйзамынын 31-беренесинин 2-бөлүгүнүн 8-пунктуна таянып,

ТОКТОМ КЫЛАТ:

1. Тиркемедеги Жети-Өгүз айылдык аймагынын жергиликтүү жамаатынын Уставы бекитилсин.

2. Ушул токтом жана Жети-Өгүз айылдык аймагынын жергиликтүү жамаатынын Уставы кѳрсѳтүлгѳн мыйзамдага ылайык тийиштүү расмий жарыялоо булактарына жарыялансын.

3. Ушул токтомду жана тиркемедеги жергиликтүү жамааттын Уставын расмий жарыялоо жана Кыргыз Республикасынын ченемдик укуктук актыларынын мамлекеттик реестрине киргизүү жагы Жети-Өгүз айыл өкмөтүнө милдеттендирилсин.

4. “Жети-Өгүз айыл аймагынын жергиликтүү жамаатынын Уставын бекитүү жөнүндө” “Жети-Өгүз айылдык кенешинин 2015-жылдын 27 февралындагы №20 Токтому күчүн жоготту деп табылсын.

5. Бул токтомдун аткарылышын көзөмөлдөө Жети-Өгүз айылдык кеңешинин бюджеттик туруктуу комиссиясынын төрагасына Т.Иманбаевке милдеттендирилсин.

6. Бул токтом расмий жарыяланган күндөн баштап күчүнө кирет.