КР 2017-жылдын 24-январындагы № 10 Мыйзамына ылайык 2019-жылдын 1-январынан тартып КҮЧҮН ЖОГОТТУ

КЫРГЫЗ РЕСПУБЛИКАСЫНЫН МЫЙЗАМЫ

2016-жылдын 16-апрели № 44

Кыргыз Республикасынын Жазык-аткаруу кодексине өзгөртүү киргизүү жөнүндө

1-берене.

Кыргыз Республикасынын Жазык-аткаруу кодексине (Кыргыз Республикасынын Жогорку Кеңешинин Жарчысы, 2000-ж., № 3, 156-ст.) төмөнкүдөй өзгөртүү киргизилсин:

52-статья төмөнкүдөй мазмундагы 2¹-бөлүк менен толукталсын:

"(2¹) Кыргыз Республикасынын Кылмыш-жаза кодексинин 226 - 226-4, 227, 229, 232, 294, 296, 299 - 299-3, 375 жана 376-статьяларында каралган террористтик мүнөздөгү жана экстремисттик багыттагы кылмыштарды жасагандагы үчүн эркиндигинен ажыратууга соттолгон адамдар соттолгондордун башка категорияларынан бөлөк кармалышат жана жазаларын камераларда катуу шарттарда өтөшөт.".

2-берене.

Ушул Мыйзам расмий жарыяланган күндөн тартып он күн өткөндөн кийин күчүнө кирет.

Кыргыз Республикасынын Өкмөтү өзүнүн ченемдик укуктук актыларын ушул Мыйзамга ылайык келтирсин.