КЫРГЫЗ РЕСПУБЛИКАСЫНЫН МЫЙЗАМЫ
2018-жылдын 13-январы № 5
"Аскер кызматчыларынын статусу жөнүндө" Кыргыз Республикасынын Мыйзамына өзгөртүү киргизүү тууралуу
2017-жылдын 30-ноябрында | Кыргыз Республикасынын Жогорку Кеңеши тарабынан кабыл алынган |
1-берене.
"Аскер кызматчыларынын статусу жөнүндө" Кыргыз Республикасынын Мыйзамына ("Свободные горы" газетасына 1-тиркеме, 1992-жылдын августу) төмөнкүдөй өзгөртүү киргизилсин:
14-статьянын 3-бөлүгү төмөнкүдөй редакцияда баяндалсын:
"Мөөнөттүк аскер кызматынан өткөн адамдар Кыргыз Республикасында башталгыч, орто, жогорку кесиптик билим берүү уюмдарына тапшырууда артыкчылык укукка ээ. Адам мөөнөттүк аскер кызматын өтөгөнгө чейин тапшырган жалпы республикалык тестирлөөнүн натыйжасы 3 жыл ичинде жарактуу.".
2-берене.
Ушул Мыйзам расмий жарыялангандан он күн өткөндөн кийин күчүнө кирет.
Кыргыз Республикасынын Өкмөтү өзүнүн ченемдик укуктук актыларын үч айлык мөөнөттө ушул Мыйзамга ылайык келтирсин.
Кыргыз Республикасынын Президенти | С.Жээнбеков |