КЫРГЫЗ РЕСПУБЛИКАСЫНЫН МЫЙЗАМЫ

2020-жылдын 31-декабры № 13

Экономикалык амнистия маселелери боюнча айрым мыйзам актыларына өзгөртүүлөрдү киргизүү жөнүндө

(КР 2021-жылдын 28-октябрындагы № 126 Мыйзамынын редакциясына ылайык)

1-берене.

(КР 2021-жылдын 28-октябрындагы № 126 Мыйзамына ылайык күчүн жоготту)

2-берене.

(КР 2021-жылдын 28-октябрындагы № 126 Мыйзамына ылайык күчүн жоготту)

3-берене.

Кыргыз Республикасынын Салык кодексине (Кыргыз Республикасынын Жогорку Кеңешинин Жарчысы, 2008-ж., № 8, 922-ст.) төмөнкүдөй өзгөртүүлөр киргизилсин:

1) 51-берененин 1-бөлүгү төмөнкүдөй мазмундагы 1-1-пункт менен толукталсын:

"1-1) жеке адамдардын мүлкүн жана кирешелерин ыктыярдуу декларациялоо чөйрөсүндөгү Кыргыз Республикасынын мыйзамдарына ылайык тапшырылган декларацияны талдоо процессинде алынган маалыматтарды декларациялоо субъектисине каршы пайдаланбоого жана ачыкка чыгарбоого;";

2) 68-берене төмөнкүдөй мазмундагы 7-пункт менен толукталсын:

"7) жеке адамдардын мүлкүн жана кирешелерин ыктыярдуу декларациялоо чөйрөсүндөгү Кыргыз Республикасынын мыйзамдарына ылайык декларациялоо жол-жоболору аяктаганда.".

4-берене

"Мамлекеттик социалдык камсыздандыруу жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Ведомосттору, 1996-ж., № 7, 85-ст.) төмөнкүдөй өзгөртүү киргизилсин:

1) 5-статья төмөнкүдөй мазмундагы эскертүү менен толукталсын:

"Эскертүү. Ыктыярдуу түрдө декларацияланган мүлккө жана кирешелерге карата мамлекеттик социалдык камсыздандыруу боюнча камсыздандыруу салымдары боюнча милдеттенме коюлбайт.".

5-берене.

Ушул Мыйзам расмий жарыяланган учурдан тартып күчүнө кирет.

"Эркин Тоо" газетасынын 2021-жылдын 5-январындагы № 1 (3180) жарыяланды

Мамлекетке келтирилген зыяндын ордун ыктыярдуу толтурган суммалар бюджеттик мыйзамдарга ылайык республикалык бюджеттин кирешелеринин эсебине чегерилет.