КЫРГЫЗ РЕСПУБЛИКАСЫНЫН МЫЙЗАМЫ

2021-жылдын 5-февралы № 19

Кыргыз Республикасынын Жалал-Абад областынын Базар-Коргон районунун Базар-Коргон шаарын түзүү жөнүндө

1-берене.

Кыргыз Республикасынын Жалал-Абад областынын Базар-Коргон районунун Кеңеш айыл аймагынын курамынан Совет жана Аук айылдарынын, Кызыл жана Орто-Сай калктуу конуштарынын жерлери чыгарылсын.

2-берене.

Жалал-Абад областынын Базар-Коргон районунун Кеңеш айыл аймагынын схемалык карталары тиркемелерге ылайык бекитилсин.

3-берене.

Кыргыз Республикасынын Жалал-Абад областынын Базар-Коргон районунун Базар-Коргон айыл аймагынын базасында жана Базар-Коргон районунун Кеңеш айыл аймагынын жерлеринин бөлүгүндө Базар-Коргон шаары түзүлсүн жана Базар-Коргон шаарына райондук маанидеги шаар статусу берилсин.

4-берене.

Кыргыз Республикасынын Жалал-Абад областынын Базар-Коргон районунун Базар-Коргон шаарынын схемалык карталары тиркемелерге ылайык бекитилсин.

5-берене.

Кыргыз Республикасынын Жалал-Абад областынын Базар-Коргон районунун Базар-Коргон шаардык кеңеши жана Базар-Коргон шаарынын мэриясы түзүлсүн.

6-берене.

1. Ушул Мыйзам расмий жарыяланган күндөн тартып он күн өткөндөн кийин күчүнө кирет.

2. Ушул Мыйзам кабыл алынгандыгына байланыштуу Жалал-Абад областынын Базар-Коргон районунун Базар-Коргон айылдык кеңешин таркатуу жөнүндө тиешелүү чечим кабыл алуу Кыргыз Республикасынын Президентине сунушталсын.

3. Кыргыз Республикасынын Өкмөтү ушул Мыйзамды ишке ашыруу боюнча тиешелүү чараларды көрсүн.