КЫРГЫЗ РЕСПУБЛИКАСЫНЫН МЫЙЗАМЫ

2021-жылдын 10-марты № 29

Жазык мыйзамдары чөйрөсүндөгү айрым мыйзам актыларына өзгөртүүлөрдү киргизүү жөнүндө

1-берене.

Кыргыз Республикасынын Жазык кодексине (Кыргыз Республикасынын Жогорку Кеңешинин Жарчысы, 2017-ж., № 2 (2), 79-ст.) төмөнкүдөй өзгөртүүлөр киргизилсин:

1) 59-берене төмөнкүдөй редакцияда баяндалсын:

"59-берене. Жосундун кылмыштан арылтылгандыгына байланыштуу жазык жоопкерчилигинен бошотуу

Ушул Кодексте каралган жосундун жазык жазалануусу алып салынган мыйзам күчүнө кирген күнү жосун кылмыштан арылтылган учурда адам жазык жоопкерчилигинен бошотулат.";

2) 60-беренеде "сот тарабынан" деген сөздөр алып салынсын;

3) 62-берененин 1-бөлүгүндө "сот тарабынан" деген сөздөр алып салынсын;

4) 65-берененин 5-бөлүгүндө ", жаза аткарууну алып баруучу органдын" деген сөздөр "пробация органынын" деген сөздөргө алмаштырылсын;

5) 76-берененин 3-бөлүгүндө "минимумунан ашык" деген сөздөр "минимумунан аз" деген сөздөргө алмаштырылсын;

6) 84-берененин 1-бөлүгүнүн 2-пункту төмөнкүдөй редакцияда баяндалсын:

"2) пробация органынын уруксатысыз өлкөнүн же административдик-аймактык бирдиктин чегинен чыкпоого;";

7) 94-берененин 2-бөлүгү төмөнкүдөй редакцияда баяндалсын:

"2. Пробациялык көзөмөлдү колдонуу менен жазык жазасынан бошотулган адамдардын соттолгондугу пробациялык мөөнөт ийгиликтүү аяктаган күнү жоюлат.

Эскертүү. Пробациялык мөөнөттүн ийгиликтүү аяктоосу болуп соттолгондун сот жана пробация органы тарабынан жүктөлгөн милдеттерди аткаруусу саналат.";

8) 125-берененин 2-бөлүгүнүн биринчи сүйлөмү төмөнкүдөй редакцияда баяндалсын: "Соттун чечими күчүнө кирген күндөн тартып бир айдын ичинде айып төлөнбөгөн учурда, айыптын суммасы эки эсеге көбөйтүлөт.";

9) 187-беренеде:

а) 2-бөлүгүнүн экинчи абзацы төмөнкүдөй редакцияда баяндалсын:

"үч жылга чейинки мөөнөткө белгилүү бир кызмат ордун ээлөө, же болбосо белгилүү бир иш менен алектенүү укугунан ажыратуу менен II категориядагы эркиндигинен ажыратууга жазаланат.";

б) 4-бөлүгүнүн биринчи абзацы төмөнкүдөй редакцияда баяндалсын:

"4. Шектелгендин туугандарына анын кармалган фактысы жана турган жери жөнүндө кабарлабоо, мындай маалыматты алууга укугу бар адамга адамдын камакта кармалган жери жөнүндө маалыматты берүүдөн мыйзамсыз баш тартуу, ошого тете иш жүзүндө кармоонун протоколу түзүлгөн убакытты же иш жүзүндө каралган убакытты бурмалоо -";

10) 223-беренеде:

а) 2-бөлүгүнүн 2-пункту күчүн жоготту деп таанылсын;

б) эскертүүнүн биринчи абзацында "беш", "он" деген сөздөр тиешелүүлүгүнө жараша "элүү", "жүз" деген сөздөргө алмаштырылсын;

11) 230-беренеге карата эскертүү төмөнкүдөй редакцияда баяндалсын:

"Эскертүү. Ушул Кодекстин 230-232-беренелеринде ири өлчөм деп, кылмыш жасалган учурда Кыргыз Республикасынын мыйзамдарында белгиленген эсептик көрсөткүчтөн элүү миң эсе, өзгөчө ири өлчөм деп жүз миң эсе ашкан төлөмдөрдү төлөбөй коюу таанылат.

Айыптарды жана туумдарды кошкондо, бардык салык же бажы карыздары ыктыярдуу түрдө тындырылган учурда, ушул Кодекстин 230-232-беренелеринде каралган кылмыштарды жасагандыгына байланыштуу адамды жазыктык куугунтуктоо жазык процессинин кандай гана стадиясында болбосун токтотулууга тийиш.";

12) 278-берененин аталышы төмөнкүдөй редакцияда баяндалсын: "278-берене. Күчтүү таасир этүүчү же уулуу заттарды жүгүртүү эрежелерин бузуу";

13) 297-беренеде:

а) берененин аталышы төмөнкүдөй редакцияда баяндалсын: "297-берене. Жол кыймылынын жана автомототранспорт каражаттарын эксплуатациялоонун эрежелерин бузуу";

б) биринчи абзац төмөнкүдөй редакцияда баяндалсын:

"Этиятсыздыктан оор зыян келтирген транспорт каражатын башкарган адамдын Жол кыймылынын жана автомототранспорт каражаттарын эксплуатациялоо эрежелерин атайылап же этиятсыздыктан бузуусу, -";

14) 345-берененин эскертүүсүндө ", эксперт, адис" деген сөздөр алып салынсын;

15) 366-берененин 1-бөлүгүнүн экинчи абзацындагы "тартиптик бөлүктө" деген сөздөр "тартиптик аскер бөлүгүндө" деген сөздөргө алмаштырылсын;

16) 367-беренеде:

а) 1-бөлүгүндө:

- расмий тилдеги текстиндеги "более десяти" деген сөздөр "свыше десяти" деген сөздөргө алмаштырылсын;

- экинчи абзацында "тартиптик бөлүктө" деген сөздөр "тартиптик аскер бөлүгүндө" деген сөздөргө алмаштырылсын;

б) берене төмөнкүдөй мазмундагы 1-1-бөлүк менен толукталсын:

"1-1. Ошол эле жосундар контракт боюнча аскердик кызмат өтөп жаткан аскер кызматчылары тарабынан жасалса, -

I категориядагы эркиндигинен ажыратууга жазаланат.";

17) 369-берене күчүн жоготту деп таанылсын;

18) 373-берененин 1-бөлүгүнүн экинчи абзацы төмөнкүдөй редакцияда баяндалсын:

"тартиптик аскер бөлүгүндө алты айдан бир жылга чейинки мөөнөткө кармоого, же болбосо I категориядагы эркиндигинен ажыратууга жазаланат.";

19) 374-берененин 1-бөлүгүнүн экинчи абзацы төмөнкүдөй редакцияда баяндалсын:

"тартиптик аскер бөлүгүндө алты айдан бир жылга чейинки мөөнөткө кармоого, же болбосо I категориядагы эркиндигинен ажыратууга жазаланат.".

2-берене.

Кыргыз Республикасынын Жоруктар жөнүндө кодексине (Кыргыз Республикасынын Жогорку Кеңешинин Жарчысы, 2017-ж., № 2 (2), 78-ст.) төмөнкүдөй өзгөртүүлөр киргизилсин:

1) 41-берене төмөнкүдөй мазмундагы 4-бөлүк менен толукталсын:

"4. Эгерде шектелгендиги тууралуу кабарлама чыгарыла турган адам аныкталбаган болсо, ушул берененин 1-бөлүгүндө көрсөтүлгөн мөөнөттөр өткөндөн кийин жоруктар жөнүндө иш кыскартылат.";

2) 50-берененин 1-бөлүгүндө "Мөөнөттүү кызматтагы аскер" деген сөздөр "Аскер" деген сөзгө алмаштырылсын;

3) Кодекс төмөнкүдөй мазмундагы 102-1 - 102-4-беренелер менен толукталсын:

"102-1-берене. Экономикалык контрабанда

Евразия экономикалык бирлигинин бажы чек арасы аркылуу бажы контролун кыйгап өтүп же андан жашыруу менен, же болбосо документтерди же бажы идентификациясынын каражаттарын алдамчылык пайдалануу менен жасалган, же болбосо декларациялабоо же туура эмес декларациялоо менен коштолгон олуттуу өлчөмдөгү товарларды же транспорт каражаттарын өткөрүү, -

белгилүү бир кызмат ордун ээлөө же белгилүү бир ишти жүргүзүү укугунан ажыратуу менен II категориядагы айып пул түрүндөгү жазага алып келет.

Эскертүү. Ушул беренеде каралган жосундар, эгерде өткөрүлгөн товарлардын наркы жорук жасалган учурда Кыргыз Республикасынын мыйзамдарында белгиленген эсептик көрсөткүчтөрдүн беш миңден элүү миңге чейинкисин түзсө, олуттуу өлчөмдө жасалган жосундар деп таанылат.

Эгерде адам контрабанданын предмети болуп саналган товарларды жана башка буюмдарды бажы жаатында жол-жоболоштуруу менен тиешелүү бажы төлөмдөрүн, анын ичинде айып пулдарды жана туумдарды өз ыктыяры менен төлөсө, ал ушул беренеде каралган жосун үчүн жазык процессинин кайсы гана стадиясында болбосун жазык жоопкерчилигинен бошотулат.

102-2-берене. Бажы төлөмдөрүн төлөөдөн качуу

Олуттуу өлчөмдөгү бажы төлөмдөрүн төлөөдөн качуу -

белгилүү бир кызмат ордун ээлөө же белгилүү бир ишти жүргүзүү укугунан ажыратуу менен II категориядагы айып пул түрүндөгү жазага алып келет.

Эскертүү. 102-2 - 102-4-беренелерде каралган жосундар, эгерде төлөнбөгөн төлөмдөрдүн суммасы жорук жасалган учурда Кыргыз Республикасынын мыйзамдарында белгиленген эсептик көрсөткүчтөрдүн бир миңден элүү миңге чейинкисин түзсө, олуттуу өлчөмдө жасалган жосундар деп таанылат.

Бажы же салык карыздарынын бардык суммасын, анын ичинде айыптарды жана туумдарды өз ыктыяры менен тындырган учурда, ал жасаган жорукка байланышкан жазыктык куугунтуктоо жазык процессинин кайсы гана болбосун стадиясында кыскартылууга тийиш.

102-3-берене. Салыкты жана (же) башка милдеттүү төлөмдөрдү бюджетке төлөөдөн качуу

Эгерде бул жосун бюджетке салыктын жана (же) башка милдеттүү төлөмдөрдүн олуттуу өлчөмдө төлөнбөй калуусуна алып келсе, декларация тапшыруу милдеттүү болгон учурларда кирешелер жөнүндө декларацияны тапшырбоо жолу менен, же болбосо декларацияга же бюджетке салыктарды жана (же) башка милдеттүү төлөмдөрдү эсептөө жана төлөө менен байланышкан башка документтерге кирешелер же чыгашалар жөнүндө, же болбосо салык салынууга жаткан мүлк жөнүндө бурмаланган маалыматтарды билип туруп киргизүү жолу менен салык жана (же) башка милдеттүү төлөмдөрдү бюджетке төлөөдөн качуу -

белгилүү бир кызмат ордун ээлөө же белгилүү бир ишти жүргүзүү укугунан ажыратуу менен II категориядагы айып пул түрүндөгү жазага алып келет.

102-4-берене. Уюмдардан салыкты жана (же) башка милдеттүү төлөмдөрдү бюджетке төлөөдөн качуу

1. Эгерде бул жосун бюджетке салыктын жана (же) башка милдеттүү төлөмдөрдүн олуттуу өлчөмдө төлөнбөй калуусуна алып келсе, декларация тапшыруу милдеттүү болгон учурларда кирешелер жөнүндө декларацияны тапшырбоо, же болбосо декларацияга кирешелер жана (же) же чыгашалар жөнүндө бурмаланган маалыматтарды билип туруп киргизүү жолу менен, же болбосо салык салынуучу башка объекттерди жана (же) башка милдеттүү төлөмдөрдү жашыруу жолу менен уюмдардан салыкты жана (же) башка милдеттүү төлөмдөрдү бюджетке төлөөдөн качуу -

белгилүү бир кызмат ордун ээлөө же белгилүү бир ишти жүргүзүү укугунан ажыратуу менен II категориядагы айып пул түрүндөгү жазага алып келет.";

4) 154-берененин аталышы төмөнкүдөй редакцияда баяндалсын: "154-берене. Мас абалдагы адамдын транспорт каражатын башкаруусуна жол берүү";

5) 163-берене төмөнкүдөй редакцияда баяндалсын:

"163-берене. Билип туруп жалган билдирүү жасоо

Жорук жасалгандыгы жөнүндө билип туруп жалган билдирүү жасоо -

II категориядагы айып пул түрүндөгү жазага алып келет.";

6) 180-берененин биринчи абзацында "Чакыруу боюнча аскер кызматын өтөп жаткан" деген сөздөр алып салынсын; "10 суткага чейинки" деген сөздөр "үчтөн ашык, бирок он суткадан көп эмес" деген сөздөргө алмаштырылсын;

7) 1-тиркемеде:

а) 1-пунктунда "кылмыш" деген сөз "жорук" деген сөзгө алмаштырылсын;

б) 7-пунктунда "жубайы," деген сөз алып салынсын;

в) 11-пункту күчүн жоготту деп таанылсын.

3-берене.

Кыргыз Республикасынын Жазык-процесстик кодексине (Кыргыз Республикасынын Жогорку Кеңешинин Жарчысы, 2017-ж., № 2 (2), 80-ст.) төмөнкүдөй өзгөртүүлөр киргизилсин:

1) 1-берененин 2-бөлүгүнүн экинчи абзацы күчүн жоготту деп таанылсын;

2) 5-беренеде:

а) 22-пунктунда "мамлекеттик органдар," деген сөздөр "мамлекеттик органдар жана алардын бөлүмдөрү" деген сөздөргө алмаштырылсын;

б) 30-пунктунда "областтардын, Бишкек шаарынын прокурорлору," деген сөздөр "анын орун басарлары, областтардын, Бишкек жана Ош шаарларынын прокурорлору" деген сөздөргө алмаштырылсын;

в) 52-пункту төмөнкүдөй редакцияда баяндалсын:

"52) алгачкы текшерүү органынын ыйгарым укуктуу кызмат адамы - жорук жөнүндө иш боюнча өндүрүштү жүзөгө ашырууга алгачкы текшерүү органынын начальниги тарабынан ыйгарым укук берилген кызмат адамы;";

3) расмий тилдеги 22-берененин 1-бөлүгү "присяжный" деген сөздөн кийин "заседатель" деген сөз менен толукталсын;

4) 25-берененин 1-бөлүгүндө "ушул Кодексте каралган тартипте айыпталуучуну жазыктык куугунтуктоого" деген сөздөр "ушул Кодексте каралган тартипте шектүүнү, айыпталуучуну жазыктык куугунтуктоого" деген сөздөргө алмаштырылсын;

5) 26-беренеде:

а) 1-бөлүгүндө:

- 3-пунктунда "курулай коргонуу;" деген сөздөр алып салынсын;

- 12-пункту төмөнкүдөй редакцияда баяндалсын:

"12) эскирүү мөөнөтү өтүп кеткендиктен, анын ичинде шектелгендиги тууралуу кабарлама чыгарыла турган адам аныкталбаган жазык иштери жана жоруктар жөнүндө иштер боюнча;";

б) 3-бөлүгүндө "Эгерде айыпталуучу" деген сөздөр "Эгерде шектүү же айыпталуучу" деген сөздөргө алмаштырылсын;

в) 3-1-бөлүгү күчүн жоготту деп таанылсын;

6) 30-берененин 1-бөлүгү төмөнкүдөй мазмундагы 11-пункт менен толукталсын:

"11) ушул Кодексте каралган башка чечимдерди кабыл алууга.";

7) 31-беренеде:

а) 1-бөлүгүндө:

- 4-пунктунда ", айыпталуучуну" деген сөз алып салынсын;

- 6-пунктунда "айыпталуучуну" деген сөз "шектүүнү" деген сөзгө алмаштырылсын;

б) 3-бөлүгүнүн 2-пунктунда "айыпталуучу" деген сөз "шектүү" деген сөзгө алмаштырылсын;

8) 33-берененин 2-бөлүгүндө:

а) 3-пунктунун биринчи сүйлөмү төмөнкүдөй редакцияда баяндалсын: "3) ырааттуулугуна ылайык, өзгөчө учурларда - ырааттуулугуна карабастан, жазык иштерин - тергөөчүгө же тергөөчүлөрдүн тобуна, жоруктар жөнүндө иштерди алгачкы текшерүү органынын ыйгарым укуктуу кызмат адамына же алгачкы текшерүү органынын ыйгарым укуктуу кызмат адамдарынын тобуна өткөрүп берүүгө.";

б) бөлүк төмөнкүдөй мазмундагы 17-1-пункт менен толукталсын:

"17-1) шектүүнүн жосунунун квалификациясын өзгөртүүгө;";

в) 19-пунктунда "кызматташуу жөнүндө макулдашууну" деген сөздөр "кызматташуу жөнүндө макулдашууну, күнөөсүн мойнуна алуу жөнүндө макулдашууну" деген сөздөргө алмаштырылсын;

9) 35-берененин 1-бөлүгүндө:

а) 6-пункт төмөнкүдөй редакцияда баяндалсын:

"6) жазык иши боюнча сотко чейинки өндүрүшкө байланыштуу алгачкы текшерүү органына ал үчүн милдеттүү болгон издөө, тергөө жана атайын тергөө амалдарын жүргүзүү жөнүндө жазуу жүзүндө тапшырмаларды берүүгө;";

б) 20-пункт төмөнкүдөй редакцияда баяндалсын:

"20) жазык иши боюнча сотко чейинки өндүрүштү кабыл алуу, токтотуп туруу, кайра жаңылоо, кыскартуу жөнүндө токтом чыгарууга;";

в) 22-пунктунда ", айыпталуучуну" деген сөз алып салынсын;

10) 37-беренеде:

а) 2-бөлүгүнүн 6-пункту төмөнкүдөй редакцияда баяндалсын:

"6) прокурордун жазуу жүзүндөгү көрсөтмөлөрүн, тергөөчүнүн тапшырмаларын, анын ичинде айрым тергөө амалдарын жүргүзүү жана жабырлануучуларды, күбөлөрдү, жазык сот өндүрүшүнө катышуучу башка адамдарды коргоо чараларын колдонуу жөнүндө тапшырмаларын аткарат;";

б) 3-бөлүк төмөнкүдөй редакцияда баяндалсын:

"3. Ушул берененин 1-бөлүгүнүн 3, 4, 5, 10, 11 жана 12-пункттарында көрсөтүлгөн алгачкы текшерүү органдары жыйналган материалдарды тергөөчүгө, алгачкы текшерүү органынын ыйгарым укуктуу кызмат адамына ушул Кодексте аныкталган тергөө караштуулугу боюнча өткөрүп берүү менен, окуянын изин сактоо боюнча гана кечиктирилгис чараларды көрүшөт.";

11) 39-берененин 1-бөлүгүндө:

а) 6-пункт төмөнкүдөй редакцияда баяндалсын:

"6) жорук жасагандыгына негиздүү шектенүү бар адамды кармоого жана аны кармоонун мыйзамдуулугу жана негиздүүлүгү боюнча маселени чечүү үчүн сотко жеткирүүгө;";

б) 11-пункт төмөнкүдөй редакцияда баяндалсын:

"11) жоруктар жөнүндө иштер боюнча өндүрүштү кабыл алуу, токтотуп туруу, кайра жаңылоо, кыскартуу жөнүндө токтом чыгарууга;";

в) 12-пунктунда ", айыпталуучуну" деген сөз алып салынсын;

г) бөлүк төмөнкүдөй мазмундагы 15-17-пункттар менен толукталсын:

"15) ревизия, инвентаризация, экспертиза жүргүзүүнү дайындоого;

16) жоруктар жөнүндө иштер боюнча жана ушул Кодекстин 212-беренесинде каралган атайын тергөө амалдары боюнча сотко чейинки өндүрүштү ишке ашырууга байланыштуу жазуу жүзүндөгү тапшырмаларды берүүгө;

17) иш боюнча өндүрүшкө жактоочунун катышуусун камсыз кылууга, ал эми мамлекет тарабынан кепилденген юридикалык жардамга укугу бар адамдарга карата, - жактоочуну дайындоону талап кылууга.";

12) 40-беренеде:

а) 1-бөлүгүндө "алгачкы текшерүү органынын ыйгарым укуктуу кызмат адамына жоруктар жөнүндө иштер боюнча сотко чейинки өндүрүштү ишке ашырууну тапшырат" деген сөздөр "алгачкы текшерүү органынын кызмат адамына жоруктар жөнүндө иштер боюнча сотко чейинки өндүрүштү жүзөгө ашырууга ыйгарым укук берет" деген сөздөргө алмаштырылсын;

б) берене төмөнкүдөй мазмундагы 1-1-бөлүк менен толукталсын:

"1-1. Алгачкы текшерүү органынын начальниги жоруктар жөнүндө иштер боюнча сотко чейинки өндүрүштү жүзөгө ашырууну тапшырат.";

в) 2-бөлүгүндө "бөлүмүнүн" деген сөз "органынын" деген сөзгө алмаштырылсын;

13) 41-берененин 10-бөлүгүндө "мыйзамда" деген сөз "Кыргыз Республикасынын Өкмөтү тарабынан" деген сөздөргө алмаштырылсын;

14) 45-беренеде:

а) 1-бөлүгүндө:

- 3-пунктунда "протоколдун" деген сөз "токтомдун" деген сөзгө алмаштырылсын;

- 7-пунктунда "тергөөчүнүн" деген сөз "прокурордун" деген сөзгө алмаштырылсын;

б) 6-бөлүгүнүн бардык тексти боюнча "убактылуу бөлөк кармоочу жайга" деген сөздөрдөн кийин "же камакта кармоочу жайга" деген сөздөр менен толукталсын;

15) 50-берененин 2-бөлүгүндө ", айыпталуучуга" деген сөз алып салынсын;

16) 54-беренеде:

а) 2-бөлүгүнүн 8-пунктунда "кармоо протоколу" деген сөздөр "кармоо жөнүндө токтому" деген сөздөргө алмаштырылсын;

б) 4-бөлүгүнүн 1-пунктунун үчүнчү абзацында "санкциялоо" деген сөз "колдонуу" деген сөзгө алмаштырылсын;

17) 60-беренеде:

а) 1-бөлүгүндө "жазык иши" деген сөздөр "иш" деген сөзгө алмаштырылсын;

б) 2-бөлүгү төмөнкүдөй мазмундагы 7 жана 8-пункттар менен толукталсын:

"7) салыштырып изилдөө үчүн зарыл объекттерди жана үлгүлөрдү алууга;

8) эгерде коюлган маселелер анын атайын билиминин чектеринен чыкса, изилдөө өндүрүшүнөн баш тартууга.";

18) 82-берененин 4-бөлүгүндө:

а) 1 жана 2-пункттарда ", айыпкердин" деген сөз алып салынсын;

б) 4-пункт "жазык иши" деген сөздөрдөн кийин "же жоруктар жөнүндө иш" деген сөздөр менен толукталсын;

в) 5-пункту "жазык иши" деген сөздөрдөн кийин "же жоруктар жөнүндө иш" деген сөздөр менен толукталсын;

19) 99-беренеде:

а) 7-бөлүгүндө "прокурорго же" деген сөздөр алып салынсын;

б) 8-бөлүгү төмөнкүдөй редакцияда баяндалсын:

"8. Даттануу сот тарабынан тергөөчүнүн, алгачкы текшерүү органынын ыйгарым укуктуу кызмат адамынын ушул Кодекстин 256-беренесинде каралган эрежелер боюнча кармоонун мыйзамдуулугун текшерүү жөнүндө өтүнмөсү менен бир убакта каралат.";

20) 104-берененин 1 жана 2-бөлүктөрүндө "кармоо протоколуна" деген сөздөр "кармоо жөнүндө токтомуна" деген сөздөргө алмаштырылсын;

21) 113-беренеде:

а) 1-бөлүгү "тергөөчүгө," деген сөздөн кийин "алгачкы текшерүү органынын ыйгарым укуктуу адамына" деген сөздөр менен толукталсын;

б) 2-бөлүгүндө "айыпталып жаткан кылмыштын" деген сөздөр "жасады деп шектелип жаткан кылмыштын жана (же) жоруктун" деген сөздөргө алмаштырылсын;

22) 114-берене төмөнкүдөй редакцияда баяндалсын:

"114-берене. Күрөө

1. Күрөө - шектүү, айыпталуучу, же болбосо башка адам тарабынан шектүүнүн, айыпталуучунун ушул Кодекстин 107-беренесинде саналып өткөн аракеттерди жасабагандыгынын кепилдиги катары ыйгарым укуктуу мамлекеттик органдын атайын эсебине киргизилүүчү акчалай суммасы.

2. Күрөөнүн өлчөмү келтирилген зыяндын өлчөмүнөн, кылмыштын оордугунун даражасынан жана шектүүнүн, айыпталуучунун ким экендигинен кошулуучу суммадан аныкталат.

3. Тергөө судьясы, судья прокурордун камакка алуу түрүндөгү бөгөт коюу чарасын колдонуу жөнүндө өтүнүчүн канааттандырууда, тараптардын өтүнүчү боюнча күрөөнүн конкреттүү суммасын аныктоого милдеттүү, бул тууралуу камакка алуу түрүндөгү бөгөт коюу чарасын колдонуу жөнүндө токтомдо көрсөтөт.

Тергөө судьясы, судья камакка алуу түрүндөгү бөгөт коюу чарасын колдонуу жөнүндө токтомдо сот тарабынан аныкталган күрөөнүн суммасы атайын банк эсебине салынган учурда, шектүүнүн, айыпталуучунун жана анын коргоочусунун өтүнүчү боюнча сот отурумунда камакка алуу түрүндөгү бөгөт коюу чарасын күрөөгө өзгөртүү тууралуу маселени чечет.

Тергөө судьясы, судья күрөөнүн суммасын токтоосуз төлөөгө даяр болгон учурда, күрөө түрүндө бөгөт коюу чарасын колдонуу жөнүндө токтомду ошол эле сот отурумунда чыгарат.

4. Кыргыз Республикасынын Жазык кодексинин 130-беренесинде, 136-беренесинин 3-бөлүгүндө, 138-беренесинин 3-бөлүгүндө, 143, 161, 162, 164-беренелеринде, 166-беренесинин 2-бөлүгүндө, 168-беренесинде, 170-беренесинин 2, 3-бөлүктөрүндө, 171-беренесинин 2, 3-бөлүктөрүндө, 172-беренесинин 3-бөлүгүндө, 173-беренесинин 2, 3-бөлүктөрүндө, 175-беренесинин 2-бөлүгүндө, 180-беренесинин 3-бөлүгүндө, 182-беренесинде, 202-беренесинин 3-бөлүгүндө, 239, 240, 241-беренелеринде, 242-беренесинин 2-бөлүгүндө, 244, 248, 249, 250-беренелеринде, 253-беренесинин 3, 4-бөлүктөрүндө, 254-беренесинин 4-бөлүгүндө, 257-беренесинин 2-бөлүгүндө, 263-беренесинин 2, 3-бөлүктөрүндө, 264-беренесинде, 267-беренесинде, 271-беренесинин 2-бөлүгүндө, 277-беренесинин 2-бөлүгүндө, 307-309, 311, 313-беренелеринде, 314-беренесинин 2-бөлүгүндө, 315-беренесинин 2-бөлүгүндө, 318, 319, 380-388, 389-395-беренелеринде каралган кылмыштар боюнча күрөө белгиленбейт.

Иликтенип жаткан жазык иши боюнча шектүү, айыпталуучу мурда колдонулган бөгөт коюу чарасын бузган учурларда күрөө белгиленбейт.

5. Тергөө судьясынын, судьянын күрөө түрүндө бөгөт коюу чарасын колдонуу жөнүндө токтому чыгарылат, анын көчүрмөсү бөгөт коюу чарасы колдонулган адамга тапшырылат. Мында күрөө киргизүүчү шектүү, айыпталуучу же болбосо башка адам ага ушул бөгөт коюу чарасы белгиленген иштин маңызы тууралуу жана күрөөнү мамлекеттин кирешесине айландыруунун негиздери тууралуу кабардар болууга тийиш, бул жөнүндө протоколдо көрсөтүлөт.

6. Эгерде шектүү, айыпталуучу төмөнкүдөй бузуулардын бирине жол берсе, киргизилген күрөө мамлекеттин кирешесине айландырылат:

1) сотко чейинки өндүрүштү жүзөгө ашыруучу органдан, соттон жашырынса;

2) тергөөнү калыс жүргүзүүгө жана ишти сотто териштирүүгө тоскоолдук кылууга багытталган аракеттерди жасаса.

7. Ушул берененин 6-бөлүгүндө саналып өткөн бузуулар жөнүндө бузуулардын жагдайларын жана бузуулар болгондугун ырастоочу иш жүзүндөгү маалыматтар баяндалган протокол түзүлөт. Протоколго күрөө киргизүүчү шектүү, айыпталуучу, же болбосо башка адам кол коёт. Ишти сот карап жатканда айыпталуучу көрсөтүлгөн бузууларды жасаган учурда, бузуунун жагдайлары соттук отурумдун протоколунда баяндалат.

8. Күрөөнү кайтарып берүү же аны мамлекеттин кирешесине айландыруу маселеси сот тарабынан жазык иши боюнча токтом, аныктама, өкүм чыгарууда чечилет. Жазык иши сотко чейинки өндүрүштө кыскартылган учурда, күрөө аны киргизген адамга тергөөчү тарабынан кайтарылып берилет.

9. Эгерде бул айыпталуучунун талаптагыдай эмес жүрүм-турумуна байланышпаса, күрөө түрүндөгү бөгөт коюу чарасы камакка алууга өзгөртүлгөн учурда, күрөө аны киргизген адамга кайтарылып берилет.

10. Күрөө даттануу мөөнөтү аяктагандан кийинки 5 сутканын ичинде аны киргизген адамга кайтарылып берилет.";

23) 115-беренеде:

а) 2-бөлүгү "тергөө судьясынын" деген сөздөрдөн кийин ", судьянын" деген сөз менен толукталсын;

б) 3-бөлүгүндө:

- биринчи абзацында "тергөө судьясынын токтомунда" деген сөздөр "тергөө судьясынын, судьянын токтомунда, соттун аныктамасында" деген сөздөргө алмаштырылсын;

- экинчи абзацында "мыйзамда белгиленген тартипте" деген сөздөр "Өкмөт тарабынан белгиленген тартипте" деген сөздөргө алмаштырылсын;

в) 4-бөлүгү "тергөө судьясынын" деген сөздөрдөн кийин ", судьянын" деген сөз менен толукталсын;

24) 116-беренеде:

а) 1-бөлүгү "алардын негизинде судья" деген сөздөрдөн кийин ", сот" деген сөз менен толукталсын;

б) 4-бөлүгүндө:

- расмий тилдеги текст "супруга (супругу)" деген сөздөрдөн кийин "подозреваемого" деген сөз менен толукталсын;

- мамлекеттик тилдеги текст "шектүүнүн" деген сөздөн кийин ", айыпталуучунун" деген сөз менен толукталсын";

в) 7 жана 8-бөлүктөрү төмөнкүдөй редакцияда баяндалсын:

"7. Адамды камакта кармоочу жайдын администрациясы камакка алуу түрүндөгү бөгөт коюу чарасын колдонуу жөнүндө тергөө судьясынын, судьянын токтомуна, соттун аныктамасына адамдын даттануусун алган учурда, даттанууну алган учурдан тартып 12 сааттан кеч эмес мөөнөттө бул жөнүндө прокурордун кабарламасы менен тиешелүү сотко жиберүүгө милдеттүү.

8. Бөгөт коюу чарасын колдонуудан баш тартуу жөнүндө судьянын токтому, соттун аныктамасы чыгарылгандан кийин ошол бир эле адамды ошол эле бир жазык иши боюнча камакка алуу жөнүндө өтүнмө менен сотко кайталап кайрылуу адамды камакка алуунун зарылдыгын негиздөөчү жаңы жагдайлар келип чыкканда гана жасалышы мүмкүн.";

25) 117-беренеде:

а) 4-бөлүгүнүн 1-пунктунда "айыпкерди" деген сөз "шектүүнү" деген сөзгө алмаштырылсын;

б) 5, 7, 8 жана 10-бөлүктөрүндө ар түрдүү жөндөмө формаларындагы ", айыпкер" деген сөз алып салынсын;

26) 122-беренеде:

а) 2-бөлүгүндө "айыпкерге, анын коргоочусуна, аны тергөө судьясына бергенге чейин 3 сааттан кеч эмес мөөнөттө" деген сөздөр "анын коргоочусуна аны тергөө судьясына, сотко бергенге чейин 3 сааттан кеч эмес мөөнөттө" деген сөздөргө алмаштырылсын;

б) 3-бөлүгү "тергөө судьясынын", "прокурорго" деген сөздөрдөн кийин тиешелүүлүгүнө жараша ", соттун", "же сотко" деген сөздөр менен толукталсын;

в) 4-бөлүгүндө "ал тергөө органынын ыйгарым укуктуу кызмат адамынын, тергөөчүнүн, прокурордун, тергөө судьясынын, соттун токтому," деген сөздөр "тергөө судьясынын, судьянын токтому, соттун аныктамасы" деген сөздөргө алмаштырылсын;

27) 123-беренеде:

а) берененин бүткүл тексти боюнча ар түрдүү жөндөмө формаларындагы ", айыпкер" деген сөз алып салынсын;

б) 4-бөлүгү төмөнкүдөй редакцияда баяндалсын:

"4. Өтүнмө кылмыштын жана (же) жоруктун кыскача баяндамасын, квалификациясын, шектүү, айыпталуучу жөнүндө маалыматтарды, ага камак салуу сунуш кылынган мүлкү жөнүндө маалыматтарды жана келтирилген зыяндын өлчөмүнө шайкеш келгенин эске алуу менен мүлккө камак салуунун зарылдыгы жөнүндө тыянактар камтылууга тийиш.";

28) 134-берененин 2-бөлүгүнүн 2-пункту "1, 2" деген цифралардан кийин "жана 3" деген сөздөр менен толукталсын;

29) 145-берененин 1-бөлүгүндө "айыптоо" деген сөз "шектенүү" деген сөзгө алмаштырылсын;

30) 146-беренеде:

а) 2-бөлүк "сотко чейинки өндүрүштүн" деген сөздөрдөн кийин "же ишти сотто кароонун" деген сөздөр менен толукталсын;

б) 8-бөлүгүндө "Коюлган күнөө боюнча" деген сөздөр "Айыпталуучу адамга карата" деген сөздөргө алмаштырылсын;

31) 149-беренеде:

а) берене төмөнкүдөй мазмундагы 11-бөлүк менен толукталсын:

"11. КЖБРде катталганга чейин болгон окуянын издерин сактоо максатында окуя болгон жерди карап чыгууга жол берилет.";

б) 3-бөлүгү төмөнкүдөй редакцияда баяндалсын:

"3. Тергөөчү, алгачкы текшерүү органынын ыйгарым укуктуу кызмат адамы Кылмыштардын жана жоруктардын бирдиктүү реестринде катталган кылмыш, же болбосо жорук же аларга өткөрүп берилген жазык иши, же жоруктар жөнүндө иш боюнча сотко чейинки өндүрүштү токтоосуз баштоого милдеттүү. Тергөөчү, алгачкы текшерүү органынын ыйгарым укуктуу кызмат адамы ишти өзүнүн өндүрүшүнө алгандыгы жөнүндө токтом чыгарат. Тергөөчү, алгачкы текшерүү органынын ыйгарым укуктуу кызмат адамы жогоруда көрсөтүлгөн токтомдун көчүрмөсүн 24 сааттан кечиктирбестен прокурорго жөнөтөт.";

в) 4-бөлүгүндө "жалган билдирүү" деген сөздөр "кылмыш же жорук жасалгандыгы жөнүндө жалган билдирүү" деген сөздөргө алмаштырылсын;

32) 151-берененин 1-бөлүгүндө "Сотко чейинки өндүрүштү жүзөгө ашыруучу органдар" деген сөздөр "Сотко чейинки өндүрүштү жүзөгө ашыруучу органдар, прокурор" деген сөздөргө алмаштырылсын;

33) 153-беренеде:

а) 1-бөлүгү төмөнкүдөй редакцияда баяндалсын:

"1. Ички иштер органдарынын тергөөчүлөрү тарабынан өмүргө каршы кылмыштар жөнүндө (Жазык кодексинин 130-137-беренелери), ден соолукка каршы кылмыштар жөнүндө (Жазык кодексинин 138-142, 144, 145-беренелери), адамдын өмүрүнө жана ден соолугуна коркунуч келтирүүчү кылмыштар жөнүндө (Жазык кодексинин 146-151-беренелери), инсанды медициналык жана фармацевттик тейлөө чөйрөсүндөгү кылмыштар жөнүндө (Жазык кодексинин 152-160-беренелери), жыныстык кол тийбестикке жана жыныстык эркиндикке каршы кылмыштар жөнүндө (Жазык кодексинин 161-163-беренелери), инсандын рухий - адеп-ахлактык саламаттыгына каршы кылмыштар жөнүндө (Жазык кодексинин 164-169-беренелери), кишинин жеке эркиндигине каршы кылмыштар жөнүндө (Жазык кодексинин 170-174-беренелери), жашы жете электердин кызыкчылыктарына жана үй-бүлөлүк мамилелердин тартибине каршы кылмыштар жөнүндө (Жазык кодексинин 175-181, 183, 184-беренелери), адамдын саясий жана башка укуктарына каршы кылмыштар жөнүндө (Жазык кодексинин 185, 186, 189-198-беренелери), менчикке каршы кылмыштар жөнүндө (Жазык кодексинин 200-204, 206-208, 210-беренелери), коммерциялык жана башка уюмдардагы кызматтын кызыкчылыктарына каршы кылмыштар жөнүндө (Жазык кодексинин 236-беренеси), коомдук коопсуздукка каршы кылмыштар жөнүндө (Жазык кодексинин 247-249, 253-257-беренелери), өнөр жайда, курулушта жана жогорку коркунучтагы булактарды пайдалануу чөйрөсүндө коопсуздукка каршы кылмыштар жөнүндө (Жазык кодексинин 258-263-беренелери), коомдук тартипке каршы кылмыштар жөнүндө (Жазык кодексинин 264-266-беренелери), баңгизат каражаттарын, психотроптук заттарды, алардын аналогдорун жана прекурсорлорун жүгүртүү чөйрөсүндөгү кылмыштар (Жазык кодексинин 267-269, 271-276-беренелери), калктын саламаттыгына каршы кылмыштар жөнүндө (Жазык кодексинин 277-282-беренелери), экологиялык коопсуздукка жана жаратылыш чөйрөсүнө каршы кылмыштар жөнүндө (Жазык кодексинин 283-295-беренелери), транспорттун жана магистралдык түтүк өткөрмөлөрүнүн кыймылынын жана аларды эксплуатациялоонун коопсуздугуна каршы кылмыштар жөнүндө (Жазык кодексинин 296-303-беренелери), сот бийлигине каршы кылмыштар жөнүндө (Жазык кодексинин 334-беренеси), далилдерди табуунун процесстик тартибине каршы кылмыштар жөнүндө (Жазык кодексинин 344-346, 348-беренелери), сот актыларын жана башка аткаруу документтерин аткарууга каршы кылмыштар жөнүндө (Жазык кодексинин 349-354-беренелери), башкаруу тартибине каршы кылмыштар жөнүндө (Жазык кодексинин 355, 356, 360-362-беренелери), чакырылуучулардын, резервдегилердин жана аскерге милдеттүүлөрдүн кылмыштары жөнүндө (Жазык кодексинин 363-беренеси) жазык иштери боюнча сотко чейинки өндүрүш жүргүзүлөт.";

б) 2-бөлүгүндө "314," деген цифралар алып салынсын;

в) 4-бөлүгү төмөнкүдөй редакцияда баяндалсын:

"4. Экономикалык кылмыштар менен күрөшүү боюнча органдардын тергөөчүлөрү тарабынан адамдын саясий жана башка укуктарына каршы кылмыштар жөнүндө (Жазык кодексинин 199-беренеси), менчикке каршы кылмыштар жөнүндө (Жазык кодексинин 209-беренеси), экономикалык ишти жүзөгө ашыруунун тартибине каршы кылмыштар жөнүндө (Жазык кодексинин 211, 213, 214, 216, 220-223-беренелери), акча-насыя жана валюта чөйрөсүндөгү кылмыштар жөнүндө (Жазык кодексинин 224, 225-беренелери), салык салуу чөйрөсүндөгү кылмыштар жөнүндө (Жазык кодексинин 227-232-беренелери), коммерциялык жана башка уюмдардагы кызматтын кызыкчылыктарына каршы кылмыштар жөнүндө (Жазык кодексинин 233-234, 236-беренелери) жазык иштери боюнча сотко чейинки өндүрүш жүргүзүлөт.";

г) берене төмөнкүдөй мазмундагы 7-1-бөлүк менен толукталсын:

"7-1. Экономикалык кылмыштарга каршы күрөшүү боюнча органдардын жана ички иштер органдарынын тергөөчүлөрү тарабынан менчикке каршы кылмыштар жөнүндө (Жазык кодексинин 205-беренеси), экономикалык ишти жүзөгө ашыруунун тартибине каршы кылмыштар жөнүндө (Жазык кодексинин 212, 217-219-беренелери), акча-насыя жана валюта чөйрөсүндөгү кылмыштар жөнүндө (Жазык кодексинин 226-беренеси), коммерциялык жана башка уюмдардагы кызматтын кызыкчылыктарына каршы кылмыштар жөнүндө (Жазык кодексинин 233-235, 237, 238-беренелери), башкаруу тартибине каршы кылмыштар жөнүндө (Жазык кодексинин 359-беренеси) жазык иштери боюнча сотко чейинки өндүрүш жүргүзүлөт.";

д) 9-бөлүгүндө "313, 315" деген цифралар "313-315" деген цифраларга алмаштырылсын;

34) 154-беренеде:

а) 1-бөлүгүндө "кылмыш жасалган" деген сөздөр "кылмыш, жорук жасалган" деген сөздөргө алмаштырылсын; ", айыпталуучу" деген сөз алып салынсын;

б) 2-бөлүгү "Тергөөчү," деген сөздөн кийин "алгачкы текшерүү органынын ыйгарым укуктуу кызмат адамы," деген сөздөр менен толукталсын;

в) 3-бөлүгү ар түрдүү жөндөмө формаларындагы "тергөөчү" деген сөздөн кийин тиешелүү жөндөмөлөрдөгү ", алгачкы текшерүү органынын ыйгарым укуктуу кызмат адамы" деген сөздөр менен толукталсын;

35) 155-беренеде:

а) 2-бөлүгүндө ", айыпкердин" деген сөз алып салынсын;

б) 6-бөлүгүнүн биринчи сүйлөмү төмөнкү редакцияда баяндалсын: "6. Токтотулган ишти кайра жаңыртууда сотко чейинки өндүрүштүн мөөнөтү прокурор тарабынан бир айга чейин белгиленет.";

36) Кодекс төмөнкүдөй мазмундагы 155-1-берене менен толукталсын:

"155-1-берене. Сотко чейинки өндүрүштүн акылга сыярлык мөөнөтү

1. Жазык иштери жана жоруктар жөнүндө иштер боюнча сотко чейинки өндүрүш акылга сыярлык мөөнөттө жүзөгө ашырылат.

2. Процесстик иш-аракеттерди аткаруу жана процесстик чечимдерди кабыл алуу үчүн объективдүү зарыл мөөнөттөр акылга сыярлык мөөнөттөр деп эсептелет. Акылга сыярлык мөөнөттөр ушул Кодексте каралган айрым процесстик иш-аракеттерди аткаруу же айрым процесстик чечимдерди кабыл алуу мөөнөттөрүнөн ашык болбоого тийиш.

3. Сотко чейинки өндүрүштүн акылга сыярлыгын аныктоо үчүн критерийлер болуп төмөнкүлөр саналат:

1) аларга карата өндүрүш жүзөгө ашырылып жаткан шектүүлөрдүн жана кылмыштардын (жоруктардын) санын, сотко чейинки өндүрүштү жүзөгө ашыруу үчүн зарыл процесстик иш-аракеттердин көлөмүн жана өзгөчөлүгүн эске алуу менен аныкталган жазык ишинин жана (же) жоруктар жөнүндө иштин татаалдыгы;

2) жазык сот өндүрүшүнүн катышуучуларынын жүрүм-туруму;

3) тергөөчүнүн, алгачкы текшерүү органынын ыйгарым укуктуу кызмат адамынын, прокурордун жана соттун өз ыйгарым укуктарын жүзөгө ашыруу ыкмасы.

4. Ушул Кодекстин 26-беренесинин 1-бөлүгүнүн 1 жана 2-пункттарында каралган жагдайлар аныкталганда, тергөөчү, алгачкы текшерүү органынын ыйгарым укуктуу кызмат адамы сотко чейинки өндүрүштү токтоосуз кыскартууга милдеттүү.";

37) 156-берененин 2-бөлүгүндөгү ", айыпкер" деген сөз алып салынсын;

38) 157-берененин 2 жана 3-бөлүктөрү төмөнкүдөй редакцияда баяндалсын:

"2. Иштерди бириктирүү жана бөлүп чыгаруу, иш боюнча өндүрүштү токтотуу же кайра жаңыртуу, ишти кыскартуу жана адамды кылмыш жасады деп шектенүү тууралуу кабарлама чыгаруу жөнүндө чечим тергөө тобунун жетекчиси тарабынан кабыл алынат.

3. Тергөө тобунун жетекчиси прокурорго тергөөнүн мөөнөтүн узартуу жөнүндө, ошондой эле бөгөт коюу чараларын колдонуу жөнүндө өтүнмөнү козгоо, бөгөт коюу чараларынын мөөнөтүн узартуу, кызматтан убактылуу четтетүү жана мүлккө камак салуу жөнүндө тергөө судьясына кайрылат.";

39) 158-беренеде:

а) берененин аталышы "Тергөө" деген сөздөн кийин "жана башка процесстик" деген сөздөр менен толукталсын;

б) 3-бөлүгү төмөнкүдөй редакцияда баяндалсын:

"3. Ушул Кодексте каралган учурларда тергөө амалдарын жүргүзүүдө техникалык каражаттарды колдонуу жана кылмыш издерин жана буюм далилдерин табуунун, аныктоонун жана алып коюунун илимий негизделген ыкмаларын пайдалануу милдеттүү болуп саналат.";

в) 5-бөлүгү "тергөөчү" деген сөздөн кийин ", алгачкы текшерүү органынын ыйгарым укуктуу кызмат адамы" деген сөздөр менен толукталсын; "тергөө" деген сөздөн кийин "же башка процесстик" деген сөздөр менен толукталсын;

40) 159-беренеде "айыпкерге," деген сөз алып салынсын;

41) 161-берененин 2-бөлүгүндө ", айыпкерге" деген сөз алып салынсын;

42) 163-берененин 10-бөлүгүндө ", айыпкердин" деген сөз алып салынсын;

43) 164-берененин 1 жана 3-бөлүктөрүндө "айыпкер," жана "айыпталуучу," деген сөздөр алып салынсын;

44) 165-берененин 2-бөлүгүндө "айыпталуучу," деген сөз алып салынсын;

45) 170-берененин 5-бөлүгү "көмүлгөн жердин администрациясы" деген сөздөрдөн кийин "же болбосо жергиликтүү өз алдынча башкаруу органы" деген сөздөр менен толукталсын;

46) 178-берененин 1-бөлүгүндө "айыпталуучу," деген сөз алып салынсын;

47) 179-берененин 5-бөлүгүндө "камкордук жана көзөмөлдүк кылуу органдары" деген сөздөр "балдарды коргоо боюнча ыйгарым укуктуу мамлекеттик орган" деген сөздөргө алмаштырылсын;

48) 184-берененин 3-бөлүгүндө "айыпталуучудан," деген сөз алып салынсын;

49) 188-берененин аталышында жана 1-бөлүгүндө "айыпталуучуга," деген сөз алып салынсын;

50) 189-берененин 2-бөлүгү төмөнкүдөй мазмундагы экинчи абзац менен толукталсын:

"Адам суракка уюлдук, электр жана почта байланышынын башка каражаттарын пайдалануу менен чакырылышы мүмкүн. Уюлдук жана электр байланыш каражаттары аркылуу чакырылган адамдын суракка келбей коюусу алдырып келүү үчүн негиз болбойт.";

51) 193-беренеде:

а) 1-бөлүгүндө "айыпталуучуну," деген сөз алып салынсын;

б) 2-бөлүгүндө:

- 4-пунктунда "айыпталуучуларды" деген сөз "шектүүлөрдү" деген сөзгө алмаштырылсын;

- 6-пунктунда "айыпталуучулардын," деген сөз алып салынсын;

52) 195-берененин 2-бөлүгүндө "же айыпталуучуга" деген сөздөр алып салынсын;

53) 197-берененин 8-бөлүгүндө "Айыпталуучу же" деген сөздөр алып салынсын;

54) 199-беренеде:

а) берененин аталышы төмөнкүдөй редакцияда баяндалсын: "199-берене. Жабырлануучунун, күбөнүн көрсөтмөлөрүн депонирлөө жөнүндө өтүнүчтү кароо тартиби";

б) 1-бөлүгүндө "жактоочу жана жактоочулар тарабынан процесстин катышуучулары" деген сөздөр алып салынсын;

55) 200-беренеде:

а) берененин аталышында "тергөө судьясы тарабынан" деген сөздөр "соттук отурумда" деген сөздөргө алмаштырылсын;

б) берене төмөнкүдөй мазмундагы 3-1-бөлүк менен толукталсын:

"3-1 Тергөө судьясы жактоочу тараптын өтүнүчү боюнча өткөрүлүүчү соттук отурумга жабырлануучуну, күбөнү суракка алуу алкагында тергөөчүнү, алгачкы текшерүү органынын ыйгарым укуктуу кызмат адамын чакыра алат.";

в) 4-бөлүгүндө ", айыпталуучунун" деген сөз алып салынсын;

56) 203-беренеде:

а) 1-бөлүгүндө "протокол түзүлөт" деген сөздөр "таануу үчүн көрсөтүү протоколуна белги коюлат" деген сөздөргө алмаштырылсын;

б) 2-бөлүгүндө "; шарттардын жана жагдайдын таанылуучу адамды кабылдаган учурда болгон шарттар жана жагдайлар менен окшоштугу" деген сөздөр алып салынсын;

57) 205-беренеде:

а) 7-бөлүгүндө "айыпталуучулар," деген сөз алып салынсын;

б) 16-бөлүгү төмөнкүдөй редакцияда баяндалсын:

"16. Атайын таанып билүүсүз электрондук алып жүрүүчүлөрдү алып коюу мүмкүн болбогондо, тинтүү жана алып коюу жүргүзүлгөндө маалыматтык электрондук алып жүрүүчүлөрүн алып коюу адис тарабынан жүзөгө ашырылат. Электрондук алып жүрүүчүлөрдүн мыйзамдуу ээсинин жана анын ээ болуучунун өтүнүчү боюнча тергөөчүнүн, алгачкы текшерүү органынын кызмат адамынын макулдугу менен тинтүүгө жана алып коюуга катышкан адис тарабынан алынып коюлган маалыматтык электрондук алып жүрүүчүлөрүнөн маалыматтарды көчүрмөлөө жүзөгө ашырылат. Маалыматтык электрондук алып жүрүүчүсү алып коюлган мыйзамдуу ээси же анын ээ болуучусу тарабынан берилген башка маалыматтын электрондук алып жүрүүчүлөрүнө маалыматтарды көчүрмөлөө жүзөгө ашырылат. Тинтүү жүргүзүүдө, эгерде бул жаратуусу жана (же) жосунду тергөөгө тоскоолдук жаратуусу мүмкүн болсо, же болбосо маалыматтарды жоготууга же өзгөртүүгө алып келсе, маалыматтарды көчүрмөлөөгө жол берилбейт.";

58) 206-берененин 1-бөлүгүндө ", айыпталуучуну" деген сөз алып салынсын;

59) 208-беренеде:

а) 1-бөлүгүндө "жана айыпталуучунун" деген сөздөр алып салынсын;

б) 4-бөлүгүндө ", айыпталуучунун" деген сөз алып салынсын;

в) 5-бөлүгүндө "айыпталуучунун же" деген сөздөр алып салынсын;

60) 209-берененин 1-бөлүгүндө "айыпталуучуну," деген сөз алып салынсын;

61) 210-беренеде:

а) 3-бөлүгүндө "жана айыпталуучу" деген сөздөр алып салынсын;

б) 4-бөлүгүндө ", айыпталуучу" деген сөз алып салынсын;

62) 212-беренеде:

а) 2 жана 3-бөлүктөрү төмөнкүдөй редакцияда баяндалсын:

"2. Ушул Кодекстин 213-беренесинин 9, 10, 11-пункттарында көрсөтүлгөн атайын тергөө аракеттерин кошпогондо, атайын тергөө аракеттерин жүргүзүү зарыл болгондо, тергөөчү, алгачкы текшерүү органынын ыйгарым укуктуу кызмат адамы бул тууралуу прокурорго кабарлоо менен тергөө судьясынын алдында тийиштүү өтүнүчтү козгойт.

3. Атайын тергөө аракеттери жазык иштери боюнча, ошондой эле зарыл болгон учурда, жоруктар жөнүндө иштер боюнча жүргүзүлөт.";

в) 5-бөлүгүндө "Анча оор эмес кылмыштарды табуу, болтурбоо жана ачыктоо" деген сөздөр "Жоруктарды табуу, болтурбоо жана ачыктоо" деген сөздөргө алмаштырылсын; "3, 10, 11" деген цифралар "3, 4, 11" деген цифраларга алмаштырылсын;

63) 213-берененин 3-пункту төмөнкүдөй редакцияда баяндалсын:

"3) абоненттер жана абоненттик орнотмолор ортосундагы бириктирүү жөнүндө же абоненттик орнотмонун жайгашкан жери жөнүндө маалыматты алуу;";

64) 214-берененин 2-бөлүгү "тергөөчүнүн" деген сөздөн кийин ", алгачкы текшерүү органынын ыйгарым укуктуу кызмат адамынын жана прокурордун" деген сөздөр менен толукталсын;

65) 215-берененин 4-бөлүгү "тергөөчү" деген сөздөн кийин ", алгачкы текшерүү органынын ыйгарым укуктуу кызмат адамы" деген сөздөр менен толукталсын;

66) 216-берененин 1-бөлүгүндө "жазык ишинин тиешелүү материалдары андан ары тергөө судьясына берилет" деген сөздөр "жазык ишинин тиешелүү материалдары 24 сааттын ичинде андан ары тергөө судьясына берилет" деген сөздөргө алмаштырылсын;

67) 217-берененин 5-бөлүгү төмөнкүдөй редакцияда баяндалсын:

"5. Жазык ишин өзүнчө өндүрүшкө бөлүү учурларын кошпогондо, атайын тергөө амалдарын жүргүзүү жөнүндө протоколдордун жана аларга тиркемелердин көчүрмөлөрүн даярдоого жол берилбейт.";

68) 221-берененин 2-бөлүгүнүн экинчи сүйлөмү төмөнкүдөй редакцияда баяндалсын: "Бул адамдарды суракка алуу ушул Кодекстин 9-главасына ылайык, бул адамдар тууралуу маалыматтардын сырын сактоо жана коопсуздуктун зарыл болгон чараларын колдонуу менен жүргүзүлөт.";

69) 223-беренеде:

а) 1-бөлүк төмөнкүдөй редакцияда баяндалсын:

"1. Адамдардын телефон жана башка сүйлөшүүлөрүндө жазык иши үчүн мааниси бар маалыматтар камтылышы мүмкүн деп шектенүүгө жетиштүү негиздер болгондо, тергөөчү тергөө судьясынын токтомунун негизинде аларды контролдоого жана жазып алууларды жүргүзүүгө укуктуу.";

б) 6-бөлүк төмөнкүдөй редакцияда баяндалсын:

"6. Тергөөчү фонограмманы карап чыгуунун жана угуунун натыйжалары жөнүндө, зарыл болгондо адистин катышуусу менен протокол түзөт, анда тергөөчүнүн пикири боюнча бул жазык ишине тиешеси бар болгон фонограмманын бөлүгү сөзмө-сөз жазылууга тийиш.";

70) 224-беренеде:

а) берененин аталышы төмөнкүдөй редакцияда баяндалсын: "Абоненттердин жана абоненттик орнотмолордун ортосундагы байланышуу жана (же) абоненттин жайгашкан жери жөнүндө маалыматтарды алуу";

б) 1-бөлүгүндө ", айыпталуучу" деген сөз алып салынсын;

в) 2-бөлүгүнүн экинчи абзацы "башка маалыматтар" деген сөздөн кийин ", анын ичинде электрондук жана башка билдирүүлөр" деген сөздөр менен толукталсын;

г) берене төмөнкүдөй мазмундагы 4-бөлүк менен толукталсын:

"4. Алынган маалыматты изилдөөнүн жыйынтыгы боюнча тергөөчү же алгачкы текшерүү органынын ыйгарым укуктуу кызмат адамы алгачкы текшерүү органынын тийиштүү бөлүмүндөрүнө абоненттин жайгашкан жерин аныктоону тапшырат.";

71) 225-беренеде:

а) берененин аталышы "серверлерден" деген сөздөн кийин ", электр байланыш тармактарынан" деген сөздөр менен толукталсын;

б) 1 жана 2-бөлүктөр "серверлерден" деген сөздөн кийин ", электр байланыш тармактарынан" деген сөздөр менен толукталсын;

72) 227-берененин 1-бөлүгүндө "аталган адамга же жерге жашыруун видео байкоону жүзөгө ашыруу аракеттерин алгачкы текшерүү органынын ыйгарым укуктуу бөлүмүнө тапшырат" деген сөздөр "бул адамга же жерге конспиративдик визуалдык же кандайдыр бир каражаттар аркылуу (техникалык каражаттардын жардамы менен) байкоону жүзөгө ашырууну алгачкы текшерүү органынын ыйгарым укуктуу бөлүмүнө тапшырат" деген сөздөргө алмаштырылсын;

73) 235-берене төмөнкүдөй мазмундагы 5-1-бөлүк менен толукталсын:

"5-1. Шектелүүчүнүн турган жери аныкталбаган учурда тергөөчү, алгачкы текшерүү органынын ыйгарым укуктуу кызмат адамы ушул Кодекстин 239-беренесинде каралган тартипте ага издөө жарыялайт, ал эми шектелгени жөнүндө кабарлама ал кармалган учурда жана тергөөчүгө, алгачкы текшерүү органынын ыйгарым укуктуу кызмат адамына жеткирилген убакта тапшырылат.";

74) 237-беренеде:

а) 1-бөлүгүнүн 1, 2 жана 3-пункттарында түрдүү жөндөмө формаларындагы ", айыпталуучу" деген сөз алып салынсын;

б) 2-бөлүгү "тергөөчү" деген сөздөн кийин ", алгачкы текшерүү органынын ыйгарым укуктуу кызмат адамы" деген сөздөр менен толукталсын;

в) 3-бөлүгү төмөнкүдөй редакцияда баяндалсын:

"3. Эгерде иш боюнча эки же бир нече шектелүүчү тартылса, ал эми токтото туруу үчүн негиздер шектелүүчүлөрдүн бардыгына эле таандык болбосо, тергөөчү, алгачкы текшерүү органынын ыйгарым укуктуу кызмат адамы айрым шектелүүчүлөргө карата ишти өз-өзүнчө өндүрүшкө бөлүүгө же ишти токтото турууга же эгер бардык шектелүүчүлөрдүн катышуусуз сотко чейинки өндүрүштү улантуу мүмкүн болбогондо, бардык иш боюнча өндүрүштү токтото турууга укуктуу.";

г) 5-бөлүгү "тергөөчү" деген сөздөн кийин ", алгачкы текшерүү органынын ыйгарым укуктуу кызмат адамы" деген сөздөр менен толукталсын;

75) 238-беренеде:

а) берененин аталышы төмөнкүдөй редакцияда баяндалсын: "238-берене. Сотко чейинки өндүрүш токтотулгандан кийинки аракеттер";

б) 1-бөлүгүндө:

- "тергөөчү" деген сөздөн кийин ", алгачкы текшерүү органынын ыйгарым укуктуу кызмат адамы" деген сөздөр менен толукталсын;

- "айыпталуучунун" деген сөз алып салынсын;

в) 2-бөлүгү "тергөөчү" деген сөздөн кийин ", алгачкы текшерүү органынын ыйгарым укуктуу кызмат адамы" деген сөздөр менен толукталсын;

76) 239-беренеде:

а) берененин аталышында ", айыпталуучуну" деген сөз алып салынсын;

б) 1-бөлүгүнүн биринчи сүйлөмү төмөнкүдөй редакцияда баяндалсын: "Шектелүүчүнүн турган жери белгисиз болгондо, тергөөчү, алгачкы текшерүү органынын ыйгарым укуктуу кызмат адамы издөө өндүрүшүн алгачкы текшерүү органына тапшырат.";

77) 240-беренеде:

а) 1 жана 2-бөлүктөрү "тергөөчүнүн" деген сөздөн кийин ", алгачкы текшерүү органынын ыйгарым укуктуу кызмат адамынын" деген сөздөр менен толукталсын;

б) 3-бөлүгүндө ", айыпталуучуга" деген сөз алып салынсын;

78) 242-беренеде:

а) берененин аталышында "Прокурорго жөнөтүлүүчү жазык иши боюнча" деген сөздөр алып салынсын;

б) 1 жана 3-бөлүктөрү "тергөөчү" деген сөздөн кийин ", алгачкы текшерүү органынын ыйгарым укуктуу кызмат адамы" деген сөздөр менен толукталсын;

79) 244-беренеде:

а) берененин аталышындагы "жазык ишинин" деген сөздөр "сотко чейинки өндүрүштүн ишинин" деген сөздөргө алмаштырылсын;

б) 1, 3, 4-бөлүктөрү ар түрдүү жөндөмө формаларындагы "тергөөчү" деген сөздөн кийин тийиштүү жөндөмөлөрдөгү ", алгачкы текшерүү органынын ыйгарым укуктуу кызмат адамы" деген сөздөр менен толукталсын;

в) 4-бөлүгүндө "жазык ишинин" деген сөздөр "иштин" деген сөзгө алмаштырылсын;

80) 246-берененин бүткүл тексти боюнча:

а) "тергөөчү" деген сөздөн кийин ", алгачкы текшерүү органынын ыйгарым укуктуу кызмат адамы" деген сөздөр менен толукталсын;

б) "жазык ишинин" деген сөздөр "иштин" деген сөзгө алмаштырылсын;

81) 247-беренеде:

а) төмөнкүдөй мазмундагы 4-1-бөлүк менен толукталсын:

"4-1. Айыптоо актысына шектелүүчүнүн ким экендигин ырастоочу документтердин күбөлөндүрүлгөн көчүрмөлөрү тиркелиши керек.

Ушул беренеде инсандыгын ырастоочу документтер болуп төмөнкүлөр таанылат:

1) Кыргыз Республикасынын жаранынын улуттук паспортунун бардык типтери;

2) инсандыгынын ырастамасы;

3) чет өлкөлүк жарандын туруктуу же убактылуу жашай туруу укугу;

4) жарандыгы жок адамдын ырастамасы;

5) айдоочулук ырастама;

6) аскердик билет;

7) кайрылмандын ырастамасы.

Шектелүүчүдө - Кыргыз Республикасынын жаранында анын инсандыгын ырастоочу документи болбогон учурда, ал Кыргыз Республикасынын мыйзамдарына ылайык сотко чейинки өндүрүштү жүргүзүүчү органдардын кайрылуусу боюнча ыйгарым укуктуу органдар тарабынан документтештирилиши керек.";

в) 5-бөлүгү төмөнкүдөй редакцияда баяндалсын:

"5. Тергөөчү тарабынан айыптоо актысына кол коюлгандан кийин жазык иши дароо прокурорго жөнөтүлөт. Жазык иши шектелүүчүнүн (шектелүүчүлөрдүн) бөгөт коюу чарасынын мөөнөтү аяктаганга чейин 10 сутка мурун прокурорго берилет. Ушул Кодекстин 20-беренесинде каралган учурларда тергөөчү айыптоо актысынын текстин которууну камсыз кылат.";

82) 248-берене ар түрдүү жөндөмө формаларындагы "тергөөчү" деген сөздөн кийин тийиштүү жөндөмөлөрдө ", алгачкы текшерүү органынын ыйгарым укуктуу кызмат адамы" деген сөздөр менен толукталсын;

83) 249-беренеде:

а) берененин аталышында "жазык ишин" деген сөздөр "ишти" деген сөзгө алмаштырылсын;

б) берененин бүткүл тексти боюнча ар түрдүү жөндөмө формаларындагы "тергөөчү" деген сөздөн кийин тийиштүү жөндөмөлөрдөгү ", алгачкы текшерүү органынын ыйгарым укуктуу кызмат адамы" деген сөздөр менен толукталсын;

в) 1-бөлүгүндө "жазык иши" деген сөз "иш" деген сөзгө алмаштырылсын;

г) 3-бөлүгүндө "жазык ишин" деген сөздөр "ишти" деген сөзгө алмаштырылсын;

84) 251-беренеде:

а) берененин аталышында "жазык ишин" деген сөздөр "ишти" деген сөз менен алмаштырылсын;

б) 1-бөлүгүндө "жазык ишин кыскартуу жөнүндө тергөөчүнүн" деген сөздөр "ишти кыскартуу жөнүндө тергөөчүнүн, алгачкы текшерүү органынын ыйгарым укуктуу кызмат адамынын" деген сөздөргө алмаштырылсын;

в) 3-бөлүгүндө "Жазык иши" деген сөздөр "Ишти" деген сөз менен алмаштырылсын;

85) 257-берененин 5-бөлүгүнүн 2-пункту мамлекеттик тилде төмөнкүдөй редакцияда баяндалсын:

"2) өтүнмөдөгү бөгөт коюу чарасын колдонуудан баш тартуу жана башка бөгөт коюу чарасын колдонуу жөнүндө.";

86) 258-беренеде:

а) 1-бөлүк төмөнкүдөй редакцияда баяндалсын:

"1. Кызмат ордунан убактылуу четтетүү шектелүүчүнүн, прокурордун, тергөөчүнүн, алгачкы текшерүү органынын ыйгарым укуктуу кызмат адамынын, жактоочунун соттук отурумда катышуусу менен прокурордун, тергөөчүнүн, алгачкы текшерүү органынын ыйгарым укуктуу кызмат адамынын өтүнмөсү боюнча тергөө судьясы тарабынан каралууга тийиш.";

б) 5-бөлүгү төмөнкүдөй редакцияда баяндалсын:

"5. Шектелүүчүнү кызмат ордунан убактылуу четтетүү, мындай чараны көрүү зарылдыгы болбой калганда, прокурордун, тергөөчүнүн жана алгачкы текшерүү органынын ыйгарым укуктуу кызмат адамынын өтүнмөсү боюнча тергөө судьясынын токтому менен жокко чыгарылат.";

87) 261-берененин 1-бөлүгү "Тергөө судьясынын" деген сөздөрдөн кийин "жана прокурордун" деген сөздөр менен толукталсын;

88) 285-берененин 3-бөлүгү төмөнкүдөй мазмундагы экинчи абзац менен толукталсын:

"Ишке кайрадан киришкен прокурорго соттук териштирүүгө катышууга даярдануу үчүн зарыл болгон убакыт берилет.";

89) мамлекеттик тилдеги 316-берененин аталышы төмөнкүдөй редакцияда баяндалсын: "316-берене. Айыпталуучуну суракка алуу";

90) мамлекеттик тилдеги 331-берененин аталышы төмөнкүдөй редакцияда баяндалсын: "331-берене. Айыпталуучунун акыркы сөзү";

91) 426-беренеде:

а) 5-бөлүк төмөнкүдөй редакцияда баяндалсын:

"5. Сот жазаны өтөөдөн шарттуу-мөөнөтүнөн мурда бошотууну колдонуу менен сот соттолгон адамга Жазык кодексинин 84-беренесинде каралган анын оңолушуна өбөлгө түзүүчү пробациялык милдеттерди сактоону жүктөй алат.";

б) 7-бөлүгү "белгиленген" деген сөздөн кийин "пробациялык" деген сөз менен толукталсын;

92) 427-беренеде:

а) берененин аталышы төмөнкүдөй редакцияда баяндалсын: "427-берене. Пробациялык көзөмөлдү жокко чыгаруу";

б) 1-бөлүгүндө:

- "өзүнө жүктөлгөн" деген сөздөрдөн кийин "көзөмөлдүк талаптарды жана" деген сөздөр менен толукталсын;

- "аны сот ага дайындалган жазадан бошотот" деген сөздөр "ал пробациялык көзөмөлдөн ийгиликтүү өткөн болуп эсептелет" деген сөздөргө алмаштырылсын;

93) 429-беренеде:

а) 3-бөлүгүндө "жазаны аткаруу мекемесинин администрациясынын өкүлү, ошондой эле пробация органынын" деген сөздөр "түзөтүү мекемесинин администрациясынын" деген сөздөргө алмаштырылсын;

б) 4-бөлүгүндө "жазаны аткаруу мекемесинин" деген сөздөр "рецидивдин потенциалдуу тобокелдиктерин, криминогендик керектөөлөрдү, кайра социалдаштыруу перспективаларын чагылдырган пробация кардарынын инсандыгын социалдык изилдөө корутундусу менен, түзөтүү мекемесинин" деген сөздөргө алмаштырылсын;

94) 437-берененин 2-бөлүгү төмөнкүдөй редакцияда баяндалсын:

"2. Кассациялык даттануу, сунуштама боюнча ишти кароодо соттун отурумуна прокурордун катышуусу милдеттүү. Ушул Кодекстин 431-беренесинин 1-бөлүгүндө көрсөтүлгөн адамдар дагы алар өтүнүч кат берген шартта, соттун уруксаты менен соттун отурумуна катыша алышат.";

95) 446-беренеде:

а) 1-пункту төмөнкүдөй редакцияда баяндалсын:

"1) ушул Кодекстин 442-беренесинин 3-бөлүгүнүн 4-пунктунда каралган жаңы ачылган жагдайлар боюнча ишти жаңыртуу жөнүндө өтүнмөнү канааттандыруу жана ишти сотко чейинки өндүрүштү уюштуруу үчүн прокурорго өткөрүп берүү тууралуу;";

б) 2-пунктунда "соттун өкүмүн, аныктамасын, токтомун жокко чыгаруу жана ишти кыскартуу" деген сөздөр "соттун өкүмүн, аныктамасын, токтомун жокко чыгаруу жана ишти кыскартуу жана ишти жаңыдан соттук териштирүү үчүн сотко өткөрүп берүү" деген сөздөргө алмаштырылсын;

96) 503-беренеде:

а) 4-бөлүгүндө "102-берене" деген сөздөр "102 - 102-4-беренелери" деген сөздөргө алмаштырылсын;

б) 6-бөлүгүндө "жазаларды аткаруу мекемелеринин жана тергөө изоляторлорунун" деген сөздөр "Кыргыз Республикасынын жазык-аткаруу системасынын органдарынын" деген сөздөргө алмаштырылсын;

97) 504-берененин 1-бөлүгү төмөнкүдөй редакцияда баяндалсын:

"1. Жоруктар жөнүндө иштер боюнча сотко чейинки өндүрүштө алгачкы текшерүү органынын ыйгарым укуктуу кызмат адамы бардык тергөө аракеттерин, ошондой эле ушул Кодекстин 213-беренесинде каралган атайын тергөө аракеттерин жүргүзүүгө укуктуу.".

4-берене.

Кыргыз Республикасынын Жазык-аткаруу кодексине (Кыргыз Республикасынын Жогорку Кеңешинин Жарчысы, 2017-ж., № 1 (2), 17-ст.) төмөнкүдөй өзгөртүүлөр киргизилсин:

1) 2-берененин 12-пункту төмөнкүдөй редакцияда баяндалсын:

"12) гауптвахта - бул жазык мыйзамдарына ылайык кылмыш жасоого шектелген же айыпталган, ошондой эле аларга карата сот тарабынан камакка алуу түрүндөгү бөгөт коюу чарасы колдонулган же жасаган жоруктары үчүн сот тарабынан камакка алууга соттолгон аскер кызматчыларын жазык-аткаруу мыйзамдары чөйрөсүндөгү Кыргыз Республикасынын ченемдик укуктук актыларында каралган бөлөк кармоо шартында кармоо үчүн атайын жабдылган орун жай;";

2) 43-беренеде:

а) 1-бөлүгүнүн 1-пунктунда "жана Акыйкатчы (Омбудсмен)" деген сөздөр ", Акыйкатчы (Омбудсмен) жана анын орун басарлары, ошондой эле Акыйкатчынын (Омбудсмендин) Аппаратынын ыйгарым укуктуу кызматкерлери" деген сөздөргө алмаштырылсын;

б) 2-бөлүгүнүн экинчи сүйлөмү төмөнкүдөй редакцияда баяндалсын: "Түзөтүү мекемелерине кино-, фото- жана видеоаппаратураларын алып өтүү жана аларды Кыргыз Республикасынын Президенти, Кыргыз Республикасынын Премьер-министри, Кыргыз Республикасынын Жогорку Кеңешинин депутаттары, Кыргыз Республикасынын Акыйкатчысы (Омбудсмен), ошондой эле ушул берененин 1-бөлүгүнүн 2-4-пункттарында көрсөтүлгөн адамдардын пайдалануусу атайын уруксатсыз жүзөгө ашырылат.";

3) 72-берененин 3-бөлүгү төмөнкүдөй мазмундагы төртүнчү абзац менен толукталсын:

"Жазык-аткаруу системасынын мамлекеттик органынын атайын комиссиясынын чечимин жокко чыгаруу же өзгөртүү кызматтык иликтөөнүн натыйжалары жөнүндө корутундунун, прокуратура органдарынын сунуштамасынын, же болбосо соттун тийиштүү чечиминин негизинде жазык-аткаруу системасынын мамлекеттик органынын жетекчиси тарабынан жүргүзүлөт.";

4) 79-берененин 3-бөлүгүнүн 4-пункту төмөнкүдөй редакцияда баяндалсын:

"4) ушул Кодекстин 124-беренесинин 7-бөлүгүнө, 126-беренесинин 5-бөлүгүнө ылайык террорчулук мүнөздөгү жана экстремисттик багыттагы кылмыштар үчүн соттолгондор";

5) 80-берененин 6-бөлүгү төмөнкүдөй мазмундагы экинчи абзац менен толукталсын:

"Атайын комиссия түзөтүү мекемесинин түрүн өзгөртүүдөн баш тарткан учурда, арыз түзөтүү мекемесинин түрүн өзгөртүүдөн баш тартуу жөнүндө чечим чыгарылган күндөн тартып үч ай өткөндөн эрте эмес мөөнөттө кайра жиберилиши мүмкүн.";

6) 90-беренеде:

а) 1-бөлүгү төмөнкүдөй редакцияда баяндалсын:

"1. Түзөтүү жана тарбиялоо абактарында эркиндигинен ажыратуу түрүндөгү жаза өтөп жаткан соттолгондорго аманат жиберүүлөрдү, берип жиберүүлөрдү жана бандеролдорду чектөөсүз алууга уруксат берилет.

Түзөтүү абактарында эркиндигинен ажыратуу түрүндөгү жаза өтөп жаткан, тартиптик жазасы бар соттолгондордун аманат жиберүүлөрдү, берип жиберүүлөрдү жана бандеролдорду алуусу Түзөтүү мекемелеринин ички тартип эрежелеринде аныкталган тартипте чектелет.";

б) 3-бөлүгү күчүн жоготту деп таанылсын;

7) 119-берененин 3-бөлүгүнүн 1-пункту төмөнкүдөй редакцияда баяндалсын: "1) алкоголду, баңгизаттарды, психотроптук заттарды жана алардын прекурсорлорун колдонуу, медициналык күбөлөндүрүү жолу менен белгиленгенде;";

8) 124-берененин 7-бөлүгү төмөнкүдөй редакцияда баяндалсын:

"7. Кармоонун адаттагы жана жеңилдетилген шарттарына которуусуз, жалпы режимдеги түзөтүү абактарында катуу шарттарда уюшкан криминалдык топтордун активдүү мүчөлөрү жаза өтөшөт.

Катуу шарттарда террорчулук мүнөздөгү, экстремисттик багыттагы кылмыштар үчүн соттолгондор кармалышат.";

9) 125-беренеде:

а) 1-бөлүгүнүн 4-пункту күчүн жоготту деп таанылсын;

б) 2-бөлүгүнүн 4-пункту күчүн жоготту деп таанылсын;

в) 3-бөлүгүнүн 4-пункту күчүн жоготту деп таанылсын;

10) 126-берененин 5-бөлүгүнүн 3-пунктунда "уюшулган топтун же кылмыштуу уюмдун курамындагы" деген сөздөр алып салынсын;

11) 127-беренеде:

а) 1-бөлүгүнүн 4-пункту күчүн жоготту деп таанылсын;

б) 2-бөлүгүнүн 4-пункту күчүн жоготту деп таанылсын;

в) 3-бөлүгүнүн 4-пункту күчүн жоготту деп таанылсын;

12) 128-берененин 2-бөлүгүндө "камераларда кармалышат" деген сөздөр "жеңилдетилген шарттарда жаза өтөп жаткан, жатаканаларда кармалышкан соттолгондордон тышкары, камераларда кармалышат" деген сөздөргө алмаштырылсын;

13) 142-берененин 2-бөлүгүнүн экинчи сүйлөмү төмөнкүдөй редакцияда баяндалсын: "Аскер кызматчысы жазасын өтөгөндөн кийин жана шарттуу түрдө мөөнөтүнөн мурда бошотулган учурда ал жактан тартиптик аскер бөлүгүнө жөнөтүлгөн аскер бөлүгүнө андан ары жашаган жери боюнча аскер комиссариатына жиберүү үчүн жөнөтүлөт.";

14) 166-беренеде:

а) 1-бөлүгүндө:

- 1-пунктунда "соттолгонду пробация органдарында эсепке алууга койгон" деген сөздөр "соттун өкүмү мыйзамдуу күчүнө кирген" деген сөздөргө алмаштырылсын;

- 2-пункту "сот тарабынан жүктөлгөн" деген сөздөрдөн кийин "көзөмөлдүк талаптарды жана пробациялык" деген сөздөр менен толукталсын;

- 4-пунктунда "административдик-аймактык бирдиктин чегинен" деген сөздөр "өлкөнүн жана (же) административдик-аймактык бирдиктин чегинен" деген сөздөргө алмаштырылсын;

б) 5-бөлүгү күчүн жоготту деп таанылсын.

5-берене.

"Пробация жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2017-ж., № 2 (2), 94-ст.) төмөнкүдөй өзгөртүүлөр киргизилсин:

1) 32-беренеде:

а) 1-бөлүгү "администрациялар" деген сөздөн кийин ", республикалык жана областтык маанидеги шаарлардын мэриялары" деген сөздөр менен толукталсын;

б) 2-бөлүгү "администрациялардын" деген сөздөн кийин ", республикалык жана областтык маанидеги шаарлардын мэрияларынын" деген сөздөр менен толукталсын.

6-берене.

Ушул Мыйзам расмий жарыяланган күндөн тартып он күн өткөндөн кийин күчүнө кирет.

"Эркин Тоо" мамлекеттик расмий газетасынын 2021-жылдын 19-мартындагы № 21-22 (3200-3201) жарыяланды

Кыргыз Республикасынын Өкмөтү алты айлык мөөнөттө өзүнүн чечимдерин ушул Мыйзамга ылайык келтирсин.