КЫРГЫЗ РЕСПУБЛИКАСЫНЫН МЫЙЗАМЫ

2022-жылдын 13-июну № 44

Кыргыз Республикасынын Улуттук банкынын пайдасын которуу маселелери жөнүндө

1-берене.

"Кыргыз Республикасынын Улуттук банкы, банктар жана банк иштери жөнүндө" Кыргыз Республикасынын Мыйзамынын 23-беренесинин 4-бөлүгүнүн колдонулушу убактылуу токтотулары жана 2021-жылдын жыйынтыгы боюнча Кыргыз Республикасынын Улуттук банкынын пайдасын бөлүштүрүүгө жайылтылбай турганы белгиленсин.

Кыргыз Республикасынын Улуттук банкы 2021-жылдын жыйынтыгы боюнча пайданы республикалык бюджеттин кирешесине токсон пайыз өлчөмүндө которууну жүзөгө ашырсын.

2-берене.

Ушул Мыйзам расмий жарыяланган күндөн тартып он күн өткөндөн кийин күчүнө кирет.