КЫРГЫЗ РЕСПУБЛИКАСЫНЫН МЫЙЗАМЫ

2023-жылдын 16-февралы № 32

Кыргыз Республикасынын айрым мыйзам актыларына ("Кыргыз Республикасынын жарандыгы жөнүндө", "Тышкы миграция жөнүндө" Кыргыз Республикасынын мыйзамдарына) өзгөртүүлөрдү киргизүү жөнүндө

1-берене.

"Кыргыз Республикасынын жарандыгы жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2007-ж., № 5, 461-ст.) төмөнкүдөй өзгөртүүлөр киргизилсин:

33-статьянын 1-бөлүгүндө:

а) "ички иштер органдарына" деген сөздөр "калкты каттоо чөйрөсүндөгү Кыргыз Республикасынын ыйгарым укуктуу мамлекеттик органына" деген сөздөргө алмаштырылсын;

б) 2-пункт төмөнкүдөй редакцияда баяндалсын:

"2) арыз ээсинин ким экендигин ырастоочу документтеринин (паспорту, жарандыгы жок адамдар үчүн - жашап турууга берилген укугу, кайрылмандын ырастамасы) түп нускасы жана ксерокөчүрмөлөрү же болбосо колдонуу мөөнөтү өтүп кеткен чет мамлекеттин паспорту бар жана/же чет мамлекеттин паспортун алууга (алмаштырууга) мүмкүнчүлүгү жок этностук кыргыздар үчүн - туулгандыгы тууралуу күбөлүгү;";

в) 6-пункттагы ", айыл өкмөтүнөн маалымкат" деген сөздөр алып салынсын.

2-берене.

"Тышкы миграция жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2000-ж., № 7, 371-ст.) төмөнкүдөй өзгөртүүлөр киргизилсин:

1) 6-статья төмөнкүдөй мазмундагы онунчу бөлүк менен толукталсын:

"Кыргыз Республикасына келген этностук кыргыздар өздөрү жашап жаткан аймактагы жергиликтүү өз алдынча башкаруунун тиешелүү органынын юридикалык дареги боюнча каттала алышат.";

2) 43-статьянын экинчи бөлүгүндөгү "нотариалдык ырасталган" деген сөздөр алып салынсын.

3-берене.

Ушул Мыйзам расмий жарыяланган күндөн тартып күчүнө кирет.

"Эркин Тоо" газетасынын 2023-жылдын 21-февралындагы № (3462) 13 жарыяланды

Кыргыз Республикасынын Президентине үч айлык мөөнөттө өзүнүн чечимдерин ушул Мыйзамга ылайык келтирүү сунушталсын.

Кыргыз Республикасынын Министрлер Кабинети үч айлык мөөнөттө өзүнүн ченемдик укуктук актыларын ушул Мыйзамга ылайык келтирсин.