КОЧКОР-АТА ШААРДЫК КЕӉЕШИ

ТОКТОМ

2020-жылдын 25-майы № 01-5 /240

Профилин өзгөртүү жөнүндө

        Кочкор-Ата шаардык Кеңешинин XXVII чакырылышынын кезектеги ХХVI сессиясы, Кочкор-Ата шаарынын Октябрьская көчөсүнүн №1-а/1 үйүнүн тургуну З.Атчабарованын 26,2м2 жер тилкесин коммерциялык багытта дүкөн ачуу үчүн профилин өзгөртүүгө уруксат сурап кайрылган арызын жана Кочкор-Ата шаардык Кеңешинин “Муниципалдык менчик, жер, өнөр жай, курулуш, транспорт жана энергетика маселелери боюнча” туруктуу комиссиясынын берген корутундусун угуп жана талкуулап, Кыргыз Республикасынын «Жергиликтүү өз алдынча башкаруу жөнүндө» мыйзамын жана Кыргыз Республикасынын “Жер Кодексин” жетекчиликке алып

ТОКТОМ КЫЛАТ:

1.Кочкор-Ата шаарынын Октябрьская көчөсүнүн №1-а/1 үйүнүн тургуну З.Атчабарованын  арызы  канааттандырылсын.

2. Кочкор-Ата шаардык Кеңешинин “Муниципалдык менчик, жер, өнөр жай, курулуш, транспорт жана энергетика маселелери боюнча” туруктуу   комиссиясынын берген корутундусу эске алынсын.

3.З.Атчабарованын 26,2 м2 жер тилкесин коммерциялык багытта дүкөн ачуу үчүн профилин өзгөртүүгө уруксат берилсин.

4.Пайдалануу багытын өзгөртүү боюнча тийиштүү иш кагаздарын даярдап берүүнү райондук архитектура жана шаар куруу башкармалыгынан суралсын.

5.Токтомдун аткарылышын көзөмөлдөө шаардык Кеңешинин “Муниципалдык менчик, жер, өнөр жай, курулуш, транспорт жана энергетика  маселелери  боюнча” туруктуу комиссиясына тапшырылсын.