ЫЛАЙ-ТАЛАА АЙЫЛДЫК КЕҢЕШИ

ТОКТОМ

Ылай-Талаа айылдык кеңешинин (VII чакырылыштагы) кезектеги VI сессиясынын жыйынынын

2022-жылдын 20-апрели № 6/8

Ылай-Талаа айыл аймагында жайгашкан “Зайнабидин” мал базарынын ишмердүүлүгүнө байланыштуу алынуучу жыйымдардын ставкасын бекитүү жөнүндө

Кыргыз Республикасынын “Жергиликтүү мамлекеттик администрация жана жергиликтүү өз алдынча башкаруу органдары жөнүндөгү” Мыйзамынын 34-беренесинин 2-пунктунун 2 - “Жергиликтүү салыктарды, жыйымдарды жана алар боюнча жеңилдиктерди киргизүү, ошондой эле мыйзамдарда каралган учурларда алар боюнча ставкаларды аныктоо” жөнүндөгү бөлүмчөсүн жетекчиликке алып Ылай-Талаа айыл аймагында жайгашкан “Зайнабидин” мал базарынын ишмердүүлүгүнө байланыштуу тарифтерин бекитүү жөнүндө айылдык кеңештин социалдык-экономикалык өнүгүүнүн болжолдуу багыттарын аныктоо, жаштардын иштери, спорт, миграция, туризм, инвестиция жана бюджет боюнча туруктуу комиссиясынын сунушунун негизинде Ылай-Талаа айылдык кеңеши

ТОКТОМ КЫЛАТ:

1. Ылай-Талаа айыл аймагында жайгашкан “Зайнабидин” мал базарынын ишмердүүлүгүнө байланыштуу каралган тарифтер тиркемеге ылайык бекитилсин.

 (тиркеме тиркелет)

2. Ылай-Талаа айыл аймагында жайгашкан “Зайнабидин” мал базарынын ишмердүүлүгүнө байланыштуу бекитилген тарифтерин жетекчиликке алуу менен көрүнүктүү жерге тарифтерди жазып жайгаштырып коюу жагы “Зайнабидин” мал базарынын жетекчиси Ажимаматов Жеңишке жүктөлсүн.

3. Бул токтомдун аткарылышын көзөмөлгө алуу жагы айылдык Кеңештин социалдык-экономикалык өнүгүүнүн болжолдуу багыттарын аныктоо, жаштардын иштери, спорт, миграция, туризм, инвестиция жана бюджет боюнча туруктуу комиссиясына (төрагасы Н.Айтбаев) тапшырылсын.